چینی موبائل ساز ادارے اوپو نے اپنی فلیگ شپ رینو 7 سیریز کو آئندہ ماہ سے بین الاقوامی مارکیٹ میں متعارف کرانے کا اعلان کردیا ہے۔

اوپو کی جانب سے اس بات کا اعلان آفیشل ویب سائٹ اور ٹوئٹر اکاؤنٹ میں کیا گیا ہے۔

اوپو کی جانب سے رینو 7 سیریز کے تحت رینو 7 فائیو جی، رینو 7 پرو فائیو جی اور رینو 7 ایس ای فائیو جی سیٹس کو گزشتہ ماہ چین میں فروخت کے لیے پیش کیا گیا تھا۔

اوپو کی جانب سے کی گئی ٹوئٹ کے مطابق رینو 7 سیریز کی بین الاقوامی فروخت کا آغاز 4 فروری کو بھارت سے کیا جائے گا۔

اگر چہ اوپو کی جانب سے پیش کیے جانے والے ویریئنٹس کی قیمت اور دیگر تفصیلات ظاہر نہیں کی گئیں ہیں تاہم ٹیکنالوجی میں ہونے والی پیش رفت پر اندر کی خبریں دینے والے دو ٹپ اسٹارز نے زیادہ تر تفصیلات لیک کردی ہیں۔

لیکس کے مطابق ممکنہ طور پر رینو سیریز کے رینو 7 فائیو جی، رینو 7 پرو فائیو جی اور رینو 7 ایس ای فائیو جی کو بھارت میں25 ہزار( 59 ہزار پاکستانی ) سے 45 ہزار ( ایک لاکھ 6 ہزار پاکستانی) کے درمیان فروخت کے لیے پیش کیا جائے گا۔

ایک اور رپورٹ کے مطابق اوپو رینو 7 فائیو جی کو 28 سے 31 ہزار بھارتی روپے، جب کہ اوپو رینو 7 پرو فائیو جی کو 41 سے 43 ہزار بھارتی روپے میں مارکیٹ کیے جانے کی توقع ہے۔

اوپو نے گزشتہ ماہ رینو سیریز کے 3 نئے 5 جی فونز کو فروخت کے لیے پیش کیا تھا، جن میں رینو 7 فائیو جی، رینو 7 پرو فائیو جی اور رینو 7 ایس ای فائیو جی شامل ہیں۔

 رینو 7 سیریز کی اسپیسیفیکنز

رینو 7 فائیو جی

رینو 7 فائیو جی کو کوالکوم اسنیپ ڈریگن 778 جی ایس او سی جیسے طاقت ور پروسیسر کے ساتھ پیش کیا گیا تھا۔ جو کہ 4 ہزار 500 ایم اے ایچ بیٹری کے  ساتھ فون 60 واٹ کی فاسٹ چارجنگ کو سپورٹ کرنے کی اہلیت رکھتا ہے۔

رینو کے اس ماڈل میں تین کیمرے 64 میگا پکسلز کا مرکزی، 8 میگا پکسلز کا الٹراوائیڈ اور 2 میگا پکسلز کا میکرو کیمرا دیا گیا ہے۔ جب کہ سیلفی کے شوقین صارفین کے لیے 32 میگا پکسلز کا فرنٹ کیمرا بھی دیا گیا ہے۔ اس فون کو 8 گیگا بٹس ریم اور 128 جی اسٹوریج کے ساتھ مارکیٹ کیا گیا تھا۔

رینو 7 پرو فائیو جی

اوپو نے اس فلیگ شپ فون میں ڈسپلے اور کیمرے پر بہترین کام کیا ہے۔ ہول پنچ اسکرین کے اندر موجود فنگر پرنٹ سینسر اسے دوسرے ماڈلز سے منفرد بناتا ہے۔

سیلفی کے شوقین افراد کے لیے 32 میگا پکسلز کا کیمرا بھی اس کے ہول پنچ میں دیا گیا ہے۔ اس فون کو 8 جی بی اور 12 ریم اور256 جی بی اسٹوریج کے ساتھ مارکیٹ کیا گیا تھا۔

رینو 7 ایس ای فائیو جی

یہ اوپو کی رینو سیریز کا سب سے کم قیمت ماڈل ہے جس میں 33 واٹ کی فاسٹ چارجنگ سپورٹ کے ساتھ 4500 ایم ایے ایچ کی بیٹری دی گئی ہے۔

میڈیا ٹیک ڈیمینسٹی 900 پراسیسر کے ساتھ ر ینو 7 ایس ای میں 8 گیگا بٹس ریم کے ساتھ اسٹوریج کے لیے دو آپشنز 128 جی بی اور 256 جی بی متعارف کرائے گئے تھے۔

فون کے عقبی حصے پر 48 میگا پکسلز، 2 میگا ڈیپتھ سینسر اور 2 میگا پکسلز کے میکرو کیمرے پر مشتمل ٹرپل کیمرا سیٹ اپ دیا گیا ہے۔