ایئر چیف مارشل ظہیر احمد بابر سدھو نے کہا ہے کہ پاکستان اور کانگو کے درمیان خوشگوار تعلقات قائم ہیں۔

ترجمان پاک فضائیہ کی جانب سے جاری کردہ بیان کے مطابق پاک فضائیہ کے سربراہ ایئر چیف مارشل ظہیر احمد بابر سدھو سے ڈیموکریٹک ریپبلک آف کانگو کے چیف آف لینڈ فورسز لیفٹینینٹ جنرل سکابوے اسِندہ فال کی ملاقات ہوئی۔

ترجمان پاک فضائیہ کا کہنا ہے کہ ملاقات کے دوران باہمی دلچسپی اور پیشہ ورانہ تعاون کے مختلف امور زیربحث آئے۔

اس موقع پر ایئر چیف مارشل ظہیر احمد بابر سدھو نے دونوں فضائی افواج کے مابین دو طرفہ تعاون کو فروغ دینے کے عزم کا اعادہ کیا اور کہا کہ دونوں ممالک کے درمیان خوشگوار تعلقات قائم ہیں۔

ملاقات میں چیف آف لینڈ فورسزلیفٹینینٹ جنرل سکابوےاسِندہ فال نےکہا کہ پاک فضائیہ کی پیشہ ورانہ مہارت اور خود احصاری کے میدان میں ہونے والی غیر معمولی پیشرفت قابل تعریف ہے۔