ملتان میں پولیس نے سوشل میڈیا پر اور کھلے عام اسلحے کی نمائش اور فائرنگ کر کے لوگوں میں خوف و ہراس پھیلانے والے ملزم وقاص ہراج کو گرفتار کر لیا ہے۔

تفصیلات کے مطابق ملزم شہر میں خوف و ہراس کی علامت سمجھا جانے لگا تھا، گرفتار ملزم سے اسلحہ بھی برآمد کر لیا گیا، ملزم درجنوں افراد کو سنگین نتائج کی دھمکیاں دیتا رہا ہے۔

پولیس کا کہنا ہے کہ ملزم اقدام قتل کے 2 مقدمات سمیت دیگر متعدد مقدمات میں پولیس کو مطلوب تھا، ملزم کو ڈولفن فورس اور گلگشت پولیس کی ٹیموں نے کارروائی کرتے ہوئے گرفتار کیا، ملزم سے مزید تحقیقات کی جا رہی ہیں۔