وزیر اعلیٰ سندھ سید مراد علی شاہ نے اومیکرون کیسز کے حوالے سے بیان میں کہا کہ آج اومیکرون کے 53 نمونوں کی جانچ کی گئی ہے۔

سید مراد علی شاہ کا کہنا تھا کہ 53 اومیکرون کے نمونوں سے 39 مثبت کیسز  رپورٹ ہوئے ہیں، مثبت آنے والوں میں سے 75 فیصد کی سفری ہسٹری ہے، مقامی منتقلی کے کیسز میں بھی تیزی سے اضافہ ہوتا جارہا ہے۔

ان کا کہنا تھا کہ عوام ہر صورت احتیاط کریں، بازاروں، دفاتر اور عوامی مقامات پر ماسک ضرور پہنیں اور سینی ٹائیزر کا استعمال لازمی کریں۔

وزیر اعلیٰ سندھ سید مراد علی شاہ نے مزید کہا کہ اس وبا سے صرف احتیاط سے ہی بچاؤ ممکن ہے۔