مسلم لیگ (ن) کی نائب صدر مریم نواز کا کہنا ہے کہ دوسروں پر چور چور کے الزام لگانے والے کی جب اپنی تلاشی لی گئی تو اس کا بال بال چوری میں ڈوبا نکلا۔

مریم نواز نے اپنے ٹوئٹر پیغام میں کہا کہ دوسروں سے فنڈ کے نام پر مال اینٹھنا، پھر اس کو عیاشی کے لیے استعمال کرنا اور چوری چھپانے کے لیے جھوٹ پر جھوٹ بولنا۔ کیا پاکستان کی تاریخ میں عمران خان جیسا کرپٹ، جھوٹا اور سازشی حکمران آیا؟

دوسروں پر چور چور کے الزام لگانے والے کی جب اپنی تلاشی لی گئ تو اس کا بال بال چوری میں ڈوبا نکلا۔دوسروں سے فنڈ کے نام پر مال اینٹھنا،پھر اس کو عیاشی کے لیے استعمال کرنا اور چوری چھپانے کے جھوٹ پہ جھوٹ بولنا۔کیا پاکستان کی تاریخ میں عمران خان جیسا کرپٹ، جھوٹا اور سازشی حکمران آیا؟

— Maryam Nawaz Sharif (@MaryamNSharif) January 4, 2022

انہوں نے مزید لکھا کہ عمران خان نے ناصرف چوری کی اور چھپائی بلکہ عوام کی جیبوں پر ڈاکہ ڈالا اور ان کی محنت اور خون پسینے کی کمائی پر عیش کی۔

مریم نواز لکھتی ہیں کہ پے درپے انکشافات، لیکس اور ثبوتوں کے انبار عمران سمیت پوری پی ٹی آئی کو فارغ کرنے کے لیے کافی ہیں، اتنے سنگین فراڈ اور سکینڈل تاریخ میں کسی جماعت کے نہیں آئے۔

عمران خان نے نا صرف چوری کی اور چھپائی بلکہ عوام کی جیبوں پر ڈاکہ ڈالا اور انکی محنت اور خون پسینے کی کمائی پر عیش کی۔ پے درپے انکشافات،لیکس اور ثبوتوں کےانبار عمران سمیت پوری پی ٹی آئی کو فارغ کرنے کے لیے کافی ہیں،اتنے سنگین فراڈ اور سکینڈل تاریخ میں کسی جماعت کے نہیں آئے

— Maryam Nawaz Sharif (@MaryamNSharif) January 4, 2022

انہوں نے مزید کہا کہ انصاف کے نام پر پاکستان کو دھوکہ دینے والے عمران خان کا بھانڈہ بیچ چوراہے پھوٹ چکا ہے۔ کون جانتا تھا ثاقب نثار کے ًصادق و امینً کا چہرہ اتنا بھیانک نکلے گا! اس بھیانک چہرے پر پردہ ڈالے رکھنے پر الیکشن کمیشن کے سابق عہدیدار بھی جوابدہ ہیں۔

انصاف کے نام پر پاکستان کو دھوکہ دینے والے عمران خان کا بھانڈہ بیچ چوراہے پھوٹ چکا ہے۔ کون جانتا تھا ثاقب نثار کے ًصادق و امینً کا چہرہ اتنا بھیانک نکلے گا! اس بھیانک چہرے پر پردہ ڈالے رکھنے پر الیکشن کمشن کے سابق عہدیدار بھی جوابدہ ہیں۔

— Maryam Nawaz Sharif (@MaryamNSharif) January 4, 2022

مریم نواز کے بیان کے جواب میں پی ٹی آئی رہنما شہزاد اکبر  نے لکھا کہ باجی چھوڑو فنڈنگ کو، یہ قصہ تو دو سال سے سن رہے ہیں، آج ذرا اپنی تازہ ترین آڈیو لیک پہ تو روشنی ڈالو!۔

انہوں نے اپنے ردعمل میں کہا کہ کمال حیرت ہے دوسروں کی آڈیو ویڈیو پریس کانفرنس میں چلانے والے آج ٹویٹ پر بھی جواب نہیں دے رہے! آپ نے لفافے سے ٹوکری تک خوب کمال دکھایا ہے۔

باجی چھوڑو فنڈنگ کو، یہ قصہ تو دو سال سے سن رہے ہیں آج ذرا اپنی تازہ ترین آڈیو لیک پہ تو روشنی ڈالو!
کمال حیرت ہے دوسروں کی آڈیو وڈیو پریس کانفرنس میں چلانے والے آج ٹویٹ پر بھی جواب نہیں دے رہے!
آپ نے لفافے سے ٹوکری تک خوب کمال دکھایا ہے https://www.bolnews.com/urdu/latest/2022/01/454228/amp/

— Mirza Shahzad Akbar (@ShazadAkbar) January 4, 2022