ملتان ایئرپورٹ  پر 2 مسافروں کا کورونا ٹیسٹ مثبت آ گیا  ہے۔

تفصیلات کے مطابق نجی پرواز سےایئرپورٹ آنے والے 2 مسافروں کا کورونا ٹیسٹ مثبت آیا ہے جبکہ دونوں مسافروں کو کورونا ٹیسٹ مثبت آنے پر قرنطینہ سینٹر منتقل کر دیا گیا ہے۔

ایئرپورٹ حکام کا کہنا ہے کہ ایک مسافر بہاولپور جبکہ دوسرا مسافر مظفر گڑھ کا رہائشی ہے۔

واضح رہے کہ  دونوں مسافروں کو 14 دنوں کے لیے قرنطینہ سینٹر منتقل کیا گیا ہے۔

دوسری جانب کراچی میں کورونا مثبت کیسز کی شرح 20 فیصد سے بھی بڑھ گئی ہے۔

محکمہ صحت سندھ کے مطابق  کراچی میں گزشتہ چوبیس گھنٹوں میں مثبت کیسز کی شرح  20.22فیصد تک جا پہنچی ہے۔

سندھ میں گزشتہ چوبیس گھنٹوں میں  1350کیسز رپورٹ ہوئے ہیں جن میں سے 1223کیسز کا تعلق کراچی سے ہے۔

محکمہ صحت سندھ کے مطابق گزشتہ چوبیس گھنٹوں میں سندھ میں 9 افراد کورونا کے سبب جان کی بازی ہار گئے ہیں۔

اسکے علاوہ 158مریض  کی حالت تشویشناک جبکہ 17مریض وینٹیلیٹر پر زیر علاج ہیں۔

ماہرین صحت کا کہنا ہے کہ گزشتہ روز رپورٹ ہونے والے کیسز میں سے 95 فیصد اومیکرون ہیں ، شہری ویکسی نیشن کروائیں اور بوسٹرڈوز لگوائیں۔

واضح رہے کہ این سی او سی کے مطابق گزشتہ چوبیس گھنٹوں کے دوران ملک بھر میں کورونا کے مثبت کیسز کی شرح   4.70 فیصد کے قریب رہی جبکہ مزید 13 افراد کورونا سے انتقال کرگئے ہیں۔