سال 2022 کے آغاز میں بھی آوارہ کتوں کا بچوں کو کاٹنے کا سلسلہ تھم نہ سکا۔

تفصیلات کے مطابق قمبر کی تحصیل وارہ کے گاؤں جونانی تنیو میں 8 سالہ بچے مزمل تنیو کو آوارہ کتنے نے کاٹ کر شدید زخمی کر دیا، آوارہ کتے نے گلی میں کھیلتے مزمل کو ٹانگوں سمیت کاندھے اور سر پر بھی کاٹ کر زخمی کیا۔

ذرائع کا کہنا ہے کہ ورثاء زخمی بچے کو چانڈکا اسپتال کے شعبہ حادثات لائے جہاں اسے طبی امداد سمیت اے آر وی ویکسین فراہم کی گئی۔

ڈیوٹی ڈاکٹر عبید کا کہنا تھا کہ بچے کی حالت خطرے سے باہر ہے، طبی امداد سمیت کتے کے کاٹے سے بچاؤ کی ویکسین فراہم کر دی ہے، بچے کے مزید علاج کے لیے اسے چانڈکا چلڈرن کی پیڈس سرجری منتقل کیا گیا ہے۔