وزیراعظم عمران خان کل ہری پور میں پاکستان ڈیجیٹل سٹی اسپیشل ٹیکنالوجی زون کا افتتاح کریں گے۔

پاکستان ڈیجیٹل سٹی پر 1 ارب 31 کروڑ روپے لاگت آئے گی اور یہ 86 کنال اراضی پر تعمیر کیا جائے گا۔

پاکستان ڈیجیٹل سٹی ہری پور حکومت خیبر پختونخوا کا آئی ٹی کے شعبے میں فلیگ شپ منصوبہ ہے۔

اس منصوبے سے پاکستان ڈیجیٹل سٹی میں آئی ٹی انڈسٹری کو ایک ہی جگہ تمام سہولیات میسر آئیں گی جبکہ پاکستان ڈیجیٹل سٹی میں آئی ٹی انڈسٹری بہتر انداز میں کلسٹر کی شکل میں کام کرسکے گی۔

پاکستان ڈیجیٹل سٹی سے الیکٹرانکس انڈسٹری، سافٹ ویئر ہاوسز، موبائل فون انڈسٹری، ٹیکنالوجی انکیوبیٹرز، کمپیوٹرز انڈسٹری سمیت دیگر شعبوں کو فائدہ ہوگا۔