قومی ایئرلائن (پی آئی اے) کی جانب سے آسٹریلیا  سمیت کئی ممالک کے لیے براہ راست پروازیں چلانے کا فیصلہ کرلیا گیا ہے۔

تفصیلات کے مطابق پی آئی اے نے آسٹریلیا، مالدیپ اور ہانگ کانگ کے لیے پاکستان سے براہ راست پروازوں کی منصوبہ بندی پر کام تیز کردیا ہے۔

سی ای او پی آئی اے ایرمارشل ارشد ملک کا کہنا ہے کہ استنبول اور بنکاک کے لیے بھی دوبارہ براہ راست فضائی آپریشن شروع کرنے کا پلان ہے۔

 ایرمارشل ارشد ملک سی ای او پی آئی اے کا کہنا تھا کہ برطانیہ، امریکا اور یورپی ملکوں کے لیے براہ راست پروازیں بحالی کے لیے یورپی، برطانوی اور امریکی سول ایوی ایشن اتھارٹی سے بات چیت جاری ہے۔

انہوں نے مزید کہا کہ ایاسا نے یورپی ملکوں کے لیے پروازیں چلانے کے لیے آڈٹ کا کہا ہے، آڈٹ کلیئر ہوتے ہی پروازیں بحال ہو جائیں گی۔