پاکستانی شوبز کی پسندیدہ ترین اداکارہ اور شاعرہ یاسرہ رضوی کی ایک تصویر نے ان کے مداحوں کو تجسس میں مبتلا کردیا ہے۔

یاسرہ نے اپنے انسٹاگرام اکاونٹ پر ایک تصویر شئیر کی جس میں انہیں متعدد پیکنگ کارٹنز کے ساتھ دیکھا جاسکتا ہے۔

تصویر دیکھ کر ایسا لگتا ہے کہ اداکارہ و شاعرہ کہیں جانے کی تیاری میں ہیں اور سامان باندھ رہی ہیں۔

تصویر کے کپشن میں یاسرہ نے لکھا کہ آگے بڑھنے کا واحد راستہ جسمانی طور پر، جذباتی طور پر، ذہنی طور پر اور جغرافیائی طور پر حرکت ہے۔

انہوں نے مزید لکھا کہ حرکت کرنے کا مطلب ہے عمل، اور اعمال سے چیزیں بنتی ہیں۔

یاسرہ نے اپنے اس شاعرانہ طرز گفتگو والے کیپشن میں لکھا کہ کبھی صوفے سے صرف اپنے کولہے کو ہلانا ہی کام کر جاتا ہے، جبکہ کبھی اس میں ڈبوں کی پیکنگ لگتی ہے۔ بہت سارے ڈبے۔

واضح رہے کہ یاسرہ رضوہ اپنی بے مثال اداکاری اور بے باک شاعری کے لیے کافی مشہور ہیں۔

گزشتہ برس اآن کی اپنے شوہر سے علیحدگی کی خبریں سوشل میڈیا پر وائرل ہوئی تھیں، تاہم انہوں نےسختی سے ان خبروں کی تردید کی تھی۔

یاسرہ نے کہا تھا کہ میں سوچتی ہوں کیا لوگ سوشل میڈیا آنے کے بعد سے ان باتوں کی پیش گوئی اتنی آسانی سے کرنے لگے ہیں یا ہم ہمیشہ سے ہی غیر معمولی شادیوں کے ٹوٹنے کے انتظار میں رہتے ہیں۔

انہوں نے طنزیہ کہا تھا  کہ اگر وہ ناپختہ خواتین کی طرح سوشل میڈیا پر ہر وقت اپنے شوہر کے ساتھ تصاویر شیئر نہیں کرتیں تو اس کا یہ مطلب ہرگز نہیں کہ ان کی طلاق ہوچکی ہے۔