محکمہ صحت سندھ کا کورونا اور اومیکرون وائرس کے پھیلاؤ کے پیش نظرایک انوکھا فیصلہ سامنے آیا ہے۔

ذرائع محکمہ صحت سندھ کے مطابق شہرقائد کے کورونا ویکسی نیشن سینٹرز کے اوقات کار کم کردئیے گئے ہیں۔

تمام میگا سینٹرز صبح 8 سے رات 8 بجے تک سروس فراہم کررہے ہیں۔

ذرائع کے مطابق ویکسی نیشن کے آغاز پر میگا سینٹرز کو 24 گھنٹے کھلے رکھنے کا فیصلہ کیا گیا تھا۔

ایکسپو سینٹر ،جناح اسپتال ،خالق دینا ہال ،کورنگی نمبر پانچ ،سمیت متعدد سینٹرز پر عملہ بھی محدود کردیا گیا ہے۔

یہ بھی پڑھیں: پاکستان میں کورونا کیسز کی تعداد 13 لاکھ سے تجاوز کر گئی

ذرائع محکمہ صحت کے مطابق عوام کی جانب سے ویکسی نیشن میں عدم دلچسپی کے باعث یہ فیصلہ کیا گیا، کم تعداد میں لوگ بوسٹر ڈوز لگوانے آرہے ہیں۔

گزشتہ 24 گھنٹوں میں 28 ہزار ڈوز لوگوں کو لگائے گئے، کراچی میں اب تک 52 فیصد آباد نے ویکسی نیشن کروائی ہے۔

 66 لاکھ 94 ہزار سے زائد افراد نے صرف پہلی خوراک لگائی ہے، 43 لاکھ 9 ہزار سے زائد لوگوں نے دوسری ڈوز لگاکر کورس مکمل کیا ہے۔

ذرائع محکمہ صحت سندھ کے مطابق 3 کڑور کی آباد میں صرف 42 لاکھ افراد نے مکمل ویکسی نیشن کا کورس کیا ہے۔