عام طور پر ہر گھر میں ہی کھانوں میں ذائقے اور خوشبو کے لئے مصالحہ جات استعمال کئے جاتے ہیں، کالا زیرہ انہیں میں سے ایک ہے۔

کالا زیرہ گرم مزاج اور گرم تاثیر رکھتا ہے، یہ مصالحہ کھانوں کے ساتھ ساتھ طب میں علاج کے لئے بھی استعمال کیا جاتا ہے، اس کا استعمال کس قدر مفید ہے آیئے جانتے ہیں۔

کالے زیرے کے حیرت انگیز فوائد

کالے زیرے کو صدیوں سے گھریلو علاج میں استعمال کیا جا رہا ہے اس کے بیج میں سو سے زائد کیمیائی مرکبات پائے جاتے ہیں جو انسانی صحت پر حیرت انگیز فوائد مرتب کرتے ہیں۔

معدے کے لئے مفید

کالا زیرہ معدے کی رطوبت کو دور کرتا ہے اسے روزانہ کے کھانے کے بعد اگر ایک چٹکی پانی میں شامل کر کے پی لیا جائے تو گیس سے نجات ملتی ہے اور نظامِ ہاضمہ درست ہوتا ہے یہ قبض کشا بھی ہے۔

پیٹ کے کیڑے

اکثر بچوں کے بھی پیٹ میں کیڑے ہوتے ہیں جس کی وجہ سے ان کی صحت نہیں بنتی، اس کے حل کے لئے کالے زیرے کو سرکے میں ملا کر رکھا جائے اور پھر سارا سرکہ خشک ہونے پر یہ زیرہ بچے کو کھِلا دیا جائے تو اس سے پیٹ کے کیڑے ختم ہو جاتے ہیں۔

دانتوں کا درد

دانتوں کے درد سے نجات کے لئے طب میں کالے زیرے کا استعمال کئی سالوں سے کیا جا رہا ہے کالے زیرے کو ایک گلا پانی میں ملا کر پکا لیں اب اس پانی سے غرارے کریں اورمنہ میں یہ پانی گھمائیں، اس سے دانتوں کا درد دور ہو جائے گا۔

وزن کم کرنے کے لئے بہترین

کالا زیرہ وزن کم کرنے کے لئے جادوئی خاصیت رکھتا ہے یہ حیرت انگیز طور پر وزن میں کمی بھی کر سکتا ہے، اس کے استعمال سے رحم کا ورم اور جسم کی اندرونی سوزش دور ہوتی ہے، اگر اس کا قہوہ بنا کرروزانہ باقاعدگی سے استعمال کیا جائے تو جسم کی اضافی چربی دور ہوگی اوتر وزن تیزی سے گھٹے گا۔