اے ایس ایف نے منشیات اسمگلنگ کی ایک اور کوشش ناکام بنادی ہے۔

ترجمان ایئرپورٹس سیکورٹی فورس کا کہنا ہے کہ اے ایس ایف نے لاہور ایئر پورٹ پرکارروائی کی اور لاہور سے ریاض  جانے والے مسافر سے 2.5 کلو گرام آئس ہیروئن برآمد کر لی۔

اے ایس ایف کے ترجمان کا کہنا ہے کہ مسافر حبیب خان نے ہیروئن سلور کی دیگچی میں کھانے کی اشیاء کے ساتھ مہارت سے چھپا رکھی تھی ،  اے ایس ایف کے عملے نے سامان کی تلاشی کے دوران  ہیروئن برآمد کر کے اسمگلنگ کی کوششں ناکام بنا دی۔

واضح رہے کہ ملزم کو ابتدائی تفتیش کے بعد برآمد شدہ ہیروئن سمیت مزید قانونی  کارروائی کے لئے اے این ایف حکام کے حوالے کر دیا ہے۔