تحریک لبیک پاکستان کی جانب سے جاری کردہ بیان میں کہا گیا ہے کہ وزیر اعظم کا نوے دن میں کرپشن کے خاتمے کا نعرہ محض سیاسی نعرہ ہی ثابت ہوا ہے۔

جاری کردہ بیان میں کہا گیا ہے کہ ٹرا نسپیرنسی انٹرنیشنل نے حکومت کی کرپشن مخالف مہم کی قلعی کھول دی ہے ، وزیر اعظم سمیت حکومتی وزراء کرپشن میں اضافے کا ڈھٹائی سے دفاع کر رہے ہیں۔

ریاست مدینہ کی تشکیل کے دعوے محض سیاسی بیانات ہیں ، تحریک لبیک پاکستان اقتدار میں آکر کرپشن کو جڑ سے اکھاڑ پھینکے گی ، دونوں ہاتھوں سے ملکی خزانوں کو لوٹنے والوں کا کڑا احتساب کریں گے۔

جاری کردہ بیان میں کہا گیا ہے کہ جلد موجودہ حکومت بھی ماضی کی حکومتوں کی طرح سیاسی تاریخ کے اوراق میں کہیں گم ہو جائے گی۔