ایم کیو ایم کے رکن قومی اسمبلی اسامہ قادری نے کہا ہے کہ عوام کے استعمال کی چیزوں پر ٹیکس نہ لگایا جائے۔

اسامہ قادری سے میڈیا سے گفتگو کرتے ہوئے صحافی نے سوال کیا کہ منی بجٹ کی حمایت کے لئے آئے ہیں؟ جس پر اسامہ قادری نے جواب دیا کہ ہم اپنا موقف پیش کرنے کے لئے آئے ہیں، ہماری 11 ترامیم پر کیا پیش رفت ہوئی پوچھیں گے۔

انہوں نے کہا کہ عوام کے استعمال کی چیزوں پر ٹیکس نہ لگایا جائے، حکومت کی آئی ایم ایف کے حوالے سے کچھ مجبوریاں ہیں، کوئی بیچ کا راستہ نکالنا چاہیئے۔

ایم کیو ایم کے رکن قومی اسمبلی اسامہ قادری کا مزید کہنا تھا کہ ہم چاہتے ہیں اس بل سے عوام متاثر نہ ہو، شوکت ترین نے ہماری ترامیم پر رضا مندی ظاہر کی ہے۔