اوپو موبائل نے کچھ عرصے قبل رینو 7 سیریز لانچ کی تھی، حال ہی میں کمپنی نے رینو 6 کے نام سے نیا ماڈل متعارف کرایا تھا۔

رینو 6 سیریز کو ہی جاری رکھتے ہوئے اوپو نے دو دن پہلے ہی رینو 6 لائٹ کے نام سے ایک فون کو لانچ کیا ہے۔ رینو 6 لائٹ کی اسپیسیفیکنشز اور  لُک اوپو کی ماضی میں متعارف کرائی گئی ایف سیریز کے فلگ شپ فون F19 سے کافی حد تک مشابہہ ہے۔

اوپو رینیو 6 لائٹ میں کیا ہے خاص؟

اوپو کے اس نئے ماڈل میں فل ایچ ڈی ریزولیشن کے ساتھ 6.43 انچ کا پنچ ہول ایملوڈ ڈسپلے دیا گیا ہے۔ کوالکوم اسنپ ڈریگن 662 چپ سیٹ کے ساتھ اس فون کو رینبو سلور اور کالے رنگ میں متعارف کرایا گیا ہے۔

اوپو رینیو 6 لائٹ تین کیمروں کے ساتھ مارکیٹ کیا گیا ہے۔ پرائمری کیمرہ 48 میگا پکسلز کا ہے جب کہ جزئیات کے ساتھ عکس بندی کرنے کے لیے دو میگا پکسلز کا ڈیپتھ اور دو میگا پکسلز کا میکرو کیمرا دیا گیا ہے۔

سیلفی کے دلداہ افراد کے لیے فرنٹ اسکرین پر پنچ ہول کے اندر ہی 16 میگا پکسلز کا ایک کیمرہ ہے۔

رینو 6 لائٹ میں اوپو کے آپریٹنگ سسٹم  Color OS 11.1 کے ساتھ 33 واٹ کی چارجنگ سپورٹ کرنے والی 5 ہزار ایم اے ایچ بیٹری اچھا بیک اپ فراہم کرتی ہے۔

اوپو کی آفیشل ویب سائٹ کے مطابق اوپو رینیو 6 لائٹ کو ابتدائی طور پر میکسیکو میں فروخت کے لیے پیش کیا گیا ہے.

میکسیکو میں اوپو رینیو 6 لائٹ کی قیمت 8799 میکسیکن پیسو ( 76 ہزار پاکستانی)  رکھی گئی۔ دوسرے ممالک میں اس فون کی لانچنگ کے برے میں کمنی کی جانب سے کسی قسم کی تفصیلات ظاہر نہیں کی گئی ہیں۔