سپریم کورٹ نے کینٹ بورڈز کو نجی اسکولزسیل کرنے سے روکتے ہوئے ملک بھر کے کنٹونمنٹ بورڈز کو نوٹس جاری کر دیے۔

تفصیلات کے مطابق سپریم کورٹ میں کنٹونمنٹ کے علاقوں سے نجی اسکولز کی بے دخلی کیخلاف درخواستوں پرکیس کی سماعت ہوئی۔

سپریم کورٹ نے کینٹ بورڈز کو نجی اسکولز سیل کرنے سے روک دیا اور ملک بھر کے کنٹونمنٹ بورڈز کو نوٹس جاری کر تے ہوئے جواب طلب کر لیا۔

وکیل نجی اسکولز نے عدالت کو بتایا کہ کینٹ بورڈزمیں 8300 نجی اسکولز اور37 لاکھ بچے زیر تعلیم ہیں۔

وکیل نجی اسکولز قلب حسن شاہ نے عدالت کو بتایا کہ بتایا کہ اسکولوں کو سیل کیا جا رہا ہے، بچے کہاں جائیں گے۔

وکیل نجی اسکولز نے کہا کہ  سپریم کورٹ نے نجی اسکولز کو سنے بغیر فیصلہ دیا تھا۔

وکیل والدین حامد خان نے کہا کہ اصل کیس تو رہائشی پلاٹ پراسکول بنانے کا تھا، ایک سول کیس میں مؤقف سنے بفیر سخت حکم جاری کیا گیا۔

سپریم کورٹ نے سماعت غیر معینہ مدت تک ملتوی کر دی۔