پاکستان کسٹمز کی جانب سے گوادر کے  کھلے سمندر میں غیر ملکی شراب کے خلاف بڑی کارروائی کی گئی ہے۔

تفصیلات کے مطابق  کارروائی کے نتیجے میں 7 کروڑ  مالیت کی غیر ملکی قیمتی شراب کی  کھیپ پکڑلی گئی ہے۔

 کسٹم حکام کا کہنا ہے کہ  لسبیلہ ساحلی علاقے وندر ڈام کے  کھلے سمندر میں کشتی سے  4 ہزار 600 غیر ملکی شراب کی بوتلیں برآمد کی گئیں جبکہ  کارروائی میں پانچ اسمگلرز بھی گرفتار کرلیے گئے ہیں۔

 کسٹم حکام کے مطابق اسمگلرز  شراب کی یہ کھیپ بیرونی  ملک سے پاکستان اسمگلنگ کررہے تھے۔

کسٹم حکام نے کہا کہ برآمد شراب کی مالیت 7  کروڑ روپے بتائی جارہی ہے۔

واضح رہے جب سے کلیکٹر  گودار چودھری جاوید نے چارج سنبھالا ہے گودار کلیکٹریٹ نے شراب سمیت منشیات کی بڑی کاروائیاں کی ہیں۔

چیف کلیکٹر کسٹمز بلوچستان محمد صادق اور کلیکٹر کسٹمز  چودھری جاوید نے ایڈیشنل کلیکٹر کامران علی رانا، ڈپٹی کلیکٹر فرحت  اللہ خان، سپرنٹنڈینٹ نثارشیخ،  اور ٹیم کو  بہترین کارکردگی پر مبارکباد بھی دی۔