مسلم لیگ (ن) کی نائب صدر مریم نواز نے نجی آڈیو ٹیپ لیک کرنے پر معافی کا مطالبہ کردیا۔

ماڈل ٹاون میں پریس کانفرنس کے دوران مریم نواز نے کہا کہ میری نجی فون کال کیوں ریکارڈ کی گئی، کس کو حق تھا کہ میرے فون کو ٹیپ کرے، کیوں اسے آن ائیر کیا گیا؟

مریم نواز نے کہا کہ پرویز رشید یا کوئی بھی ذاتی گفتگو میں کیا بات کرتے ہیں اس کا جواب نہیں دینا، خاتون کی ریکارڈنگ کیوں دی پہلے اس کی معذرت کی جائے۔

ان کا مزید کہنا تھا کہ میری ٹیپ سے، ذاتی گفتگو سے کسی کے خلاف سازش ثابت نہیں ہوتی۔

مریم نواز کی پریس کانفرنس کے جواب میں وزیر مملکت فرخ حبیب نے پیغام جاری کرتے ہوئے کہا کہ مریم صفدر، ارشد ملک کی ویڈیوز بنوائے، ثاقب نثار کی جعلی آڈیو بنائے تو وہ جائز کام ہے۔ جہاں صحافیوں کو گالیاں اور میڈیا کے اشتہارات کی ریکارڈنگ سامنے آجائے تو معافی مانگنے کا کہتی ہے۔ یہ دہرا معیار اور منافقت ہے۔

مریم صفدر ارشد ملک کی ویڈیوز بنوائے ، ثاقب نثار کی جعلی آڈیو بنائے تو وہ جائز کام ہے جہاں صحافیوں کو گالیاں اور میڈیا کے اشتہارات کی ریکارڈنگ سامنے آجائے تو معافی مانگنے کا کہتی ہے۔ یہ دہرا معیار اور منافقت ہے

— Farrukh Habib (@FarrukhHabibISF) January 6, 2022

 فرخ حبیب نے لکھا کہ 27 کروڑ روپے کی مشکوک ٹرانزیکشنز (ن) لیگ کے HBL کے بینک اکاؤنٹس میں سکروٹنی کے دوران سامنے آئی ہیں جس میں بھون داس کے نام پر 3 کروڑ روپے کی انٹری ڈالی گئی ہے اور حنیف خان 4.5 کروڑ انکے اکاؤنٹ میں جمع کرواتے ہیں۔ بعد میں نواز شریف 4.5 کروڑ اپنے ذاتی بینک اکاؤنٹ میں جمع کروا لیتے ہیں۔

Advertisement

27 کروڑ روپے کی مشکوک ٹرانزیکشنز ن لیگ کے HBL کے بینک اکاؤنٹس میں سکروٹنی کے دوران سامنے آئی ہے جس میں بھون داس کے نام پر 3 کروڑ روپے کی انٹری ڈالی گئی ہے اور حنیف خان 4.5 کروڑ انکے اکاؤنٹ میں جمع کرواتے ہے بعد میں نواز شریف 4.5 کروڑ اپنے ذاتی بینک اکاؤنٹ میں جمع کروا لیتے ہے pic.twitter.com/H9kecrLsJ8

— Farrukh Habib (@FarrukhHabibISF) January 6, 2022

شہباز گل نے بھی ٹوئٹ میں لکھا کہ باجی سے سوال، آپ نے میڈیا کے سنئیر لوگوں کو کُتّا کہا۔ کیا جواب دیں گی؟

انہوں نے لکھا، ‘باجی کا زناٹے دار جواب، میرا پرائیویٹ فون ٹیپ کرنے پر معذرت کی جائے۔ ٹوکری میں بیٹھے دوست اب ان سے آپ لوگ جب ججوں کی اور مخالفین کی ننگی فلمیں ریکارڈ کرتے ہیں تو اس پر کون معافی مانگے گا؟ باجی کی منافقت۔

Advertisement

باجی سے سوال آپ نے میڈیا کے سنئیر لوگوں کو کتا کہا۔ کیا جواب دیں گی ؟

باجی کا زناٹے دار جواب: میرا پرائیویٹ فون ٹیپ کرنے پر معزرت کی جائے۔

ٹوکری میں بیٹھے دوست اب ان سے آپ لوگ جب ججوں کی اور مخالفین کی ننگی فلمیں ریکارڈ کرتے ہیں تو اس پر کون معافی مانگے گا۔

باجی کی منافقت

— Dr. Shahbaz GiLL (@SHABAZGIL) January 6, 2022

اور مریم صفدر نے صحافیوں کو کتے کی طرح بھونکنے والی آڈیو کو حقیقت تسلیم کر لیا۔ اور معافی کا مطالبہ کیا کہ آپ نے میری زاتی گفتگو کو کیوں ریکارڈ کیا۔

آپکے شوہر محترم لوگوں کی باتھ روم اور سوئمنگ پول کی وڈیو ریکارڈ کریں تو کیا وہ حلال طریقے سے ریکارڈ کی ہو گی۔ وہ فخر کی بات ہے؟

— Dr. Shahbaz GiLL (@SHABAZGIL) January 6, 2022

مریم نواز نے پریس کانفرنس کے دوران مزید  کہا کہ قدرت نے جو انصاف کر دیا وہ دودھ کا دودھ پانی کا پانی ہوگیا، انصاف والے ادارے کب دھبے دھوئیں گے۔

انہوں نے کہا کہ نوازشریف لندن اس لئے گئے کہ ان کی جان کو خطرہ تھا، وہ ڈیل کے تحت باہر نہیں گئے۔ ڈیل کی ضرورت ان کو ہوتی ہے جن کی جڑیں عوام میں نہیں ہوتیں۔

مریم نواز نے کہا کہ بلدیاتی الیکشن دیکھ لیں سب ن لیگ کے حق میں ہیں، لوگ نواز شریف کو یاد کر رہے ہیں، ہم صاف و شفاف الیکشن چاہتے ہیں۔