سیکرٹری جنرل پاکستان پیپلز پارٹی نیر حسین بخاری کا کہنا ہے کہ  عوام الناس کے شانہ بشانہ کھڑا رہنا ہماری  درخشندہ تاریخ ہے۔

اپنے جاری کردہ بیان میں سیکرٹری جنرل پاکستان پیپلز پارٹی نیر حسین بخاری نے کہا ہے کہ پاکستان پیپلز پارٹی سینٹرل ایگزیکٹو نے قومی عوامی  معاملات اور گھمبیر ملکی صورت حال بارے اہم فیصلے کیے ہیں۔

نیر حسین بخاری کا کہنا تھا کہ ملکی سلامتی اور  استحکام پر سمجھوتہ نہ کرنا اور عوام الناس کے شانہ بشانہ کھڑا رہنا ہماری  درخشندہ تاریخ ہے۔

نیر حسین بخاری نے کہا کہ آئی ایم ایف غلامانہ منی بجٹ کی  پارلیمنٹ کے اندر بھرپور مخالفت کریں گے،  پیپلز پارٹی اسٹیٹ بینک آف پاکستان پر بیرونی کنٹرول  اور  عوام دشمن منی بجٹ کے خلاف پارلیمنٹ کے بائر احتجاجی کیمپ لگائی گی۔

 نیر حسین بخاری  نے کہا کہ آئی ایم ایف ڈکٹیشن منی بجٹ کے خلاف پارلیمنٹ کے باہر احتجاجی کیمپ میں شرکت کیلئے  اپوزیشن جماعتوں کو بھی شرکت کی دعوت دیں گے۔

سیکرٹری جنرل پاکستان پیپلز پارٹی نے کہا کہ 27فروری سے مزار قائد سے شروع ہونے والا اسلام آباد لانگ مارچ بدعنوان ترین حکمرانوں سے نجات پر اختتام پزیر ہوگا۔

 نیر بخاری کا کہنا تھا کہ پارلیمنٹ سے معاشی غلامی کی قانون سازی ملکی خود مختاری پر سودا بازی کے مترادف ہوگی،  ملکی معیشت  کو آئی ایم ایف کے چنگل میں دینا  ملک اور قوم کیلئے خطرناک اقدام ہوگا۔

 نیر بخاری  نے کہا کہ معاشی بدحالی ،ہوشربا مہنگائی، بے روزگاری کے سونامی کو اسلام آباد  لانگ مارچ عوامی سمندر بہا لے جائے گا۔

انہوں نے مزید کہا کہ بلاول بھٹو  کی قیادت میں آئین کی بالادستی اور جپمہوریت کی مظبوطی کا کردار جاری رہے گا۔