چیئرمین واپڈا لیفٹیننٹ (ریٹائرڈ) جنرل مزمل حسین نے کہا ہے کہ داسو پراجیکٹ پاکستان کے استحکام کے لئے اہم منصوبہ ہے۔

لیفٹیننٹ جنرل مزمل حسین (ریٹائرڈ) نے داسو ہائیڈرو پاور پراجیکٹ کا دورہ کیا ہے، چیئرمین واپڈا نے اپنے دورے میں داسو پراجیکٹ پر تعمیراتی کام کا جائزہ لیا۔

پراجیکٹ حکام کی جانب سے چیئرمین واپڈا کو داسو پراجیکٹ پر پیش رفت کے بارے میں بریفنگ دی گئی، بریفنگ میں بتایا گیا کہ داسو ہائیڈرو پاور پراجیکٹ کی 8 سائٹس پر بیک وقت تعمیراتی کام جاری ہے۔

چیئرمین واپڈا لیفٹیننٹ (ریٹائرڈ) جنرل مزمل حسین کا کہنا تھا کہ داسو پراجیکٹ سے قومی نظام میں سستی، ماحول دوست پن بجلی کی بڑی مقدار شامل ہوگی، داسو پراجیکٹ پاکستان کے استحکام کے لئے اہم منصوبہ ہے، داسو پراجیکٹ پر تعمیراتی اہداف کے بر وقت حصول کو یقینی بنایا جائے۔