نور مقدم کیس میں ملزم کے ذہنی مریض ہونے کا جائزہ لینے کے لیے میڈیکل بورڈ تشکیل دینے کی درخواست مسترد کردی گئی۔

نور مقدم قتل کیس میں اہم پیش رفت ہوئی ہے، مرکزی ملزم کے ذہنی مریض ہونے کا جائزہ لینے کے لیے میڈیکل بورڈ تشکیل دینے کی درخواست مسترد کر دی گئی۔

اس سے قبل عدالت نے نور مقدم کیس کی سماعت بغیر کارروائی کے ملتوی کردی۔

اسلام آباد ہائی کورٹ میں نور مقدم قتل کیس میں تھراپی ورک کی ٹرائل کورٹ کے حکم کے خلاف درخواست پر سماعت ہوئی۔

ملزم تھراپی ورکس کے امجد نے ملزم ظاہرجعفراورتفتیشی کے خلاف درخواست دائرکررکھی ہے۔

جسٹس عامر فاروق اسلام آباد ہائی کورٹ نے درخواست گزار کے وکیل پیش نا ہونے پر کیس کی سماعت بغیر کاروائی کےملتوی کردی۔

وکیل تھراپی ورک اکرم قریشی کے دیرسےعدالت پیش پہنچنے پر جسٹس عامر فاروق نے وکیل اکرم قریشی سے کہا کہ آپ موجود نہیں تھے تو آپ کا کیس ملتوی ہوگیا ہے۔

وکیل درخواست گزارنےعدالت سے استدعا کی کہ عدالت 17 جنوری کے لیے کیس مقررکردے جس پر اسلام آباد ہائیکورٹ نے کیس کی مزید سماعت 17 جنوری کے لیے مقررکردی۔

تھراپی ورک کے امجد کی ملزم ظاہر جعفر کے خلاف کارروائی کی استدعا ٹرائل کورٹ نے خارج کر دی تھی۔

امجد کی درخواست میں تفتیشی افسرعبد الستارخان کے خلاف بھی کارروائی کی استدعا کی گئی تھی۔