معاون خصوصی وزیرِ اعلیٰ پنجاب برائے اطلاعات و ترجمان حکومت پنجاب حسان خاور نے کہا ہے کہ پورے پاکستان کی ترقی کے دوران سندھ کی بدقسمتی وہاں کی حکومت ہے۔

حسان خاور نے میڈیا سے گفتگو کرتے ہوئے کہا کہ 2021 میں پنجاب کو جزوی ویکسینیٹ کر دیا گیا، 2022 میں مزید ترقی دیکھنے کا ملے گی، صحت کارڈ 2022 میں رول آؤٹ ہو جائے گا، لیکن پورے پاکستان کی ترقی کے دوران سندھ کی بدقسمتی وہاں کی حکومت ہے۔

ان کا کہنا تھا کہ سندھ ایسا بد قسمت صوبہ ہے جہاں کروڑوں کی گندم چوہے کھا جاتے ہیں، یہ چوہے چائنہ کٹنگ کے ذریعے سرکاری اراضی پر قبضے کرتے ہیں، پنجاب کی سیاست کا حال بھی نرالا ہے۔

معاون خصوصی وزیرِ اعلیٰ پنجاب برائے اطلاعات و ترجمان حکومت پنجاب حسان خاور نے کہا کہ چھوٹے میاں بڑے میاں کی ضمانت دے کر پھنس چکے ہیں، مریم نواز اداروں کے خلاف بیان دے کر خاموش ہو جاتی ہیں، ہمارا فوکس پنجاب کی ترقی پر ہے۔