خاتون کی ہوائی جہاز کے واش روم میں موجود کوڑے دان میں نومولود بچہ چھوڑ کر فرار ہونے کی کوشش، ائیر پورٹ عملے نے خاتون کو پکڑ لیا۔

تفصیلات کے مطابق ماریشس ائیرپورٹ کے عملے کو چیکنگ کے دوران جہاز کے واش روم میں موجود کوڑے دان سے نومولود بچہ ملا۔

ماریشس میں طیارے کے واش روم سے نومولود بچہ برآمد ہونے کے بعد ایک خاتون کوشک کی بنیاد پرگرفتارکرلیا گیا جبکہ خاتون نے نومولود بچے کی ماں ہونے سے صاف انکار کر دیا۔

تاہم مڈغاسکر سے تعلق رکھنے والی اس بیس سالہ خاتون کے انکار کے بعد بچے اور خاتون کا طبی معائنہ کیا گیا جس میں یہ بات سامنے آئی کہ اسی خاتون نے بچے کو جنم دیا ہے۔

خاتون نے نومولود بچے کو جہاز کے واش روم میں رکھے کوڑے دان میں پھینک کر فرار ہونے کی کوشش کی تاہم جہاز کے عملے نے فوری کارروائی کرتے ہوئے خاتون کو دھر لیا اور تحقیقات شروع کر دیں۔

خاتون کو نومود بچے کو جہاز کے واش روم میں پھینکنے کے الزام میں گرفتار کر لیا گیا ہے اور خاتون کے خلاف قانونی کارروائی کی جا رہی ہے۔