پاکستان کی معروف اداکارہ سجل  علی  اور اداکار احد رضا میر کی سوشل میڈیا پر علیحدیگی کی خبریں گردش کر رہی ہیں۔

حال ہی میں ادکارہ سجل علی کے بھائی نے انسٹاگرام پر ایک تصویر پر کمنٹ کیا ہے جس  پر انہوں نے کہا کہ میرے بڑے بھائی صرف اداکار علی انصاری ہیں۔

انسٹاگرام پر پوسٹ کی جانے والی تصویر میں علی کے ساتھ اداکارہ صبور اور  اداکار علی کو ساتھ دیکھا جاسکتا ہے۔

یاد ر ہے اداکار علی انصاری نے حال ہی میں اداکارہ صبور سے شادی کی ہے۔

 اس سے قبل سوشل میڈیا پر دونوں فنکاروں کے حوالے سے گردش کرنے والی خبروں کے حوالےسے پاکستانی گلوکار فلک  نے بھی آوزا بلندکی تھی۔

یاد رہے کہ سجل علی کی بہن صبور علی کی شادی کی تقریبات میں ان کے شوہر احد رضا میر اور ان کے گھر والوں میں سے کسی نے بھی شرکت نہیں کی جس کی وجہ

سے سوشل میڈیا پر دونوں میں علیحدگی کی خبریں گردش کرنے لگیں۔

 فلک شبیر  نے  اپنے انسٹاگرام اکاؤنٹ پر سوال و جواب کا ایک سیشن رکھا  تھاجہاں ان کے ایک مداح نے ان سے سجل اور احد کے حوالے سے سوال کیا کہ احد کیوں نہیں آیا صبور کی شادی میں؟

سوشل میڈیا صارفین کی جانب سے کیے جانے والے سوال کے جواب میں گلوکار فلک شبیر نے کہا تھا کہ وہ چاہتے ہیں کہ یہ قیاس آرائیاں غلط ثابت ہوں کیونکہ وہ انہیں ایک خوبصورت جوڑا سمجھتے ہیں۔

فلک نے مزید کہا تھا کہ  میں دعا کرتا ہوں کہ ایسا کچھ بھی نہ ہو جیسا آپ لوگ سوچ رہے ہیں ،یہ بہت ہی خوبصورت جوڑا ہے ۔

یاد رہے کہ  اداکارہ سجل علی کی جانب سے انسٹا اسٹوری پر احد رضا میر کے ساتھ تصویر اپلوڈ کی لیکن پھر کچھ دیر بعد وہ تصویر ڈیلیٹ کردی تھی۔

واضح رہے کہ  سجل علی اور احد رضا میر کی علیحدگی کی خبروں پر اُن کی مینجر نے ردّعمل دیا تھا۔

سجل علی کی مینجر نے ڈیجیٹل خبر رساں ادارے پر شدید برہمی کا اظہار کرتے ہوئے کہا تھا کہ یہ شرمناک صحافت ہے کہ آپ اپنی ریٹنگز کے لئے کسی کی ذاتی زندگی سے متعلق بےبنیاد خبریں شائع کریں ۔