عمان رائل فورسز کی بروقت کارروائی کے سبب منشیات اسمگلنگ کی کوشش  ناکام بنادی گئی۔

تفصیلات کے مطابق دھوفر گورنریٹ میں کوسٹ گارڈ پولیس نے منشیات کو ملک میں اسمگل کرنے کی دو کوششوں کو ناکام بنا دیا۔

رائل عمان پولیس نے سلطنت عمان میں منشیات کے 3,500 سے زائد پیکجوں کو اسمگل کرنے کی دو کوششوں کو ناکام بنا دیا ہے۔

پولیس ذرائع کے مطابق بروقت کارروائی کے نتیجے میں دو کشتیوں کو ضبط کیا گیا۔ کارروائی کے دوران چار دراندازوں کو بھی گرفتار کیا گیا، جن کے پاس منشیات کے 2,224 پیکج موجود تھے، جب کہ دوسری کشتی سے 1,522 منشیات کے پیکج ضبط کیے گئے۔

دوسری جانب دھوفر گورنریٹ پولیس کمانڈ نے غیر قانونی طور پر مقیم غیر ملکی شہریوں کو ملک سے باہر ہیومن ٹریفکنگ کے الزام میں دو افراد کو گرفتار کر لیا۔ واضح رہے ملزمان کے خلاف قانونی کارروائی کی جا رہی ہے۔