وفاقی وزیر مملکت برائے اطلاعات و نشریات فرخ حبیب نے کہا ہے کہ (ن) لیگ والوں کی انگلش کمزور ہے انہوں نے رپورٹ میں پڑھا ہی نہیں کہ اس میں فارن فنڈنگ کا تذکرہ تک نہیں ہے۔

میڈیا سے گفتگو کرتے ہوئے فرخ حبیب نے کہا کہ (ن) لیگ گمراہ کرنا چھوڑ دے، دوسروں کے اکاؤنٹس  کے بجائے اپنے خفیہ اکاؤنٹس کی تفصیل بتائیں۔

انہوں نے کہا کہ مسلم لیگ (ن) اور پیپلز پارٹی نے الیکشن کمیشن سے اپنے اکاؤنٹس چھپائے، (ن) لیگ کے اکاؤنٹس میں 62 کروڑ کی رقم کہاں سے آئی؟

وفاقی وزیر مملکت برائے اطلاعات نے کہا کہ اکبر ایس بابر  مسلم لیگ ن  کے ایزی لوڈ پر ہیں جب کہ بے نظیر بھٹو نے بھی ن لیگ پر اسامہ بن لادن سے رقم لینے کا الزام لگایا تھا۔

وزیر مملکت فرخ حبیب نے کہا کہ (ن) لیگ والوں کی انگلش کمزور  ہے انہوں نے رپورٹ میں پڑھا ہی نہیں کہ اس میں فارن فنڈنگ کا تذکرہ تک نہیں ہے۔

فرخ حبیب کا کہنا تھا کہ نواز شریف نے  سیاسی فنڈ ریزنگ کا تصور دیا وہ پاکستان کو لمیٹڈ کمپنی کے طور پر چلانا چاہتے ہیں۔