کوئٹہ گلیڈی ایٹرز کے اوپنر انگلش کھلاڑی پشاور زلمی کے خلاف 97 رنز کی دھواں دھار اننگ کھیل کر انگلش کرکٹ بورڈ کو اپنی جانب متوجہ کر لیا ہے۔

سمرسیٹ کاؤنٹی سے کھیلنے والے 20 سالہ ول اسمیڈ نے پی ایس ایل کے افتتاحی میچ میں شاندار کارکردگی کا مظاہرہ کرتے ہوئے 62 گیندوں پر 97 رنز کی باری کھیلی۔

ول اسمیڈ نے کم عمری میں ہی کرکٹ کے حلقوں کو اپنی جانب متوجہ کر لیا ہے۔

مبصرین کا کہنا ہے کہ اگر ول اسمیڈ کی شاندار کارکردگی کا سلسلہ پی ایس ایل میں جاری رہا تو انگلینڈ کرکٹ بورڈ ول اسمیڈ کو قومی کرکٹ ٹیم میں جگہ دینے پر مجبور ہو جائے گا۔

ول اسمیڈ نے اپنے کرکٹ کیرئیر کا دوسرے میچ میں ہی گلوسیسٹر شائر کے خلاف 49 گیندوں پر 82 رنز کی اننگ کھیل کر بالرز کے لئے خطرے کی گھنٹی بجا دی تھی۔

کرکٹ پر گہری نظر رکھنے والوں کا کہنا ہے کہ ول اسمیڈ کی عمر ابھی صرف 20 سال ہے اور یہ انگلینڈ کا وہ ہیرا ہے جو ابھی تراش خراش کے مراحل سے گزر رہا ہے۔

برطانوی خبر رساں ادارے کی رپورٹ کے مطابق پاکستان سپر لیگ برطانوی کھلاڑیوں کی صلاحیتوں کو نکھارنے کا ایک اہم پلیٹ فارم بن چکا ہے۔