پاکستان سپر لیگ کے الانسز اب پاکستان کرکٹ بورڈ کے لیے درد سر بن گئے ہیں کیونکہ اتنے سالوں بعد 5 جنوری کو قومی اسمبلی کی قائمہ کمیٹی کے دوران آڈٹ رپورٹ ایک بار پھر موضوع بحث بنی۔

تفصیلات کے مطابق پی سی بی کے سابق چیئرمین نجم سیٹھی اور بورڈ کے دیگر اعلی ارکان نے پی ایس ایل کے لیے کام کرنے والے آفیشلز کو الانس دینے کا فیصلہ کرلیا،تنخواہ کا کچھ فیصد بطور الانس دینے کا فیصلہ کیا گیا۔

 کچھ اہلکار چھ ماہ سے کام کر رہے تھے جبکہ کچھ ایک ماہ سے کام کر رہے تھے، انہیں کام کی رقم کے حساب سے الانس دیا جاتا تھا، لیکن جب میڈیا میں یہ رپورٹس سامنے آئیں تو تنخواہوں کے ساتھ الانسز کو لازمی قرار دے دیا گیا۔

ذرائع کے مطابق اگر یہ معاملہ قانون نافذ کرنے والے اداروں کے سامنے رکھا گیا تو اہلکاروں کو اپنے الانسز واپس کرنا پڑ سکتے ہیں ۔

آڈٹ رپورٹ کے مطابق 11 آفیشلز نے اس کا فائدہ اٹھایا ۔