آرسنل فٹ بال ٹیم نے انگلش پریمئیر لیگ کی انتظامیہ سے ٹاٹینہم کے خلاف میچ کو ملتوی کرنے کی درخواست کر دی ہے۔

آرسنل فٹ بال کلب کی انتظامیہ نے درخواست میں موقف اختیار کیا ہے کہ ان کے کلب کے پاس میچ کے لئے درکار کھلاڑی موجود نہیں ہیں۔

آرسنل انتظامیہ کے مطابق جمعرات کو لیور پول کے خلاف میچ میں بھی تین کھلاڑی زخمی ہوئے ، کچھ کھلاڑی کورونا کے باعث قرنطینہ میں ہیں ، جب کچھ پلئیرز افریقن کپ آف نیشن کے لئے اپنے ملک جا چکے ہیں۔

انگلیش پریمئیر لیگ کے قوانین کے مطابق فٹ بال کلب کے پاس میچ کے لئے کم ازکم 13 کھلاڑی اور ایک گول کیپر لازمی ہونا چاہیئے۔

واضح رہے کہ موجودہ سیزن میں کورونا کے باعث انگلش پریمئیر لیگ کے 20 میچز متاثر ہوئے ہیں۔

آرسنل انتظامیہ کا کہنا ہے کہ آج کا میچ ہونا ناممکن ہے۔