پاکستان اولمپک ایسوسی ایشن کے صدر لیفٹنٹ جنرل سید عارف حسن نے کہا ہے کہ کامن ویلتھ گیمز کوئنینز بیٹن ریلے کے شاندار استقبال سے دنیا میں پاکستان کانہایت مثبت پہلواجاگر ہواہے۔

تفصیلات کے مطابق  پاکستان اولمپک ایسوسی ایشن کے صدر لیفٹنٹ جنرل سید عارف حسن  کا کہنا تھا کہ کوئین بیٹن کی تقریبات میں عوامی پذیرائی توقعاٹ سے بڑھ کر ملی ،پاکستانی کھیل اور کھلاڑیوں سے محبت میں دنیا کی نمبر ون قوم ہیں۔

ان کا کہنا ت ھا کہ ایونٹ کے پروگرامز کے کامیاب اور پر امن انعقاد سے پاکستان میں جنوب ایشیائی کھیل کے انعقاد میں مدد ملے گی۔

 ان خیالات کااظہارانہوں نے کوئنینز بیٹن آرگنائزنگ کمیٹی کی چیئرپرسن فاطمہ لاکھانی کیجانب سے مقامی ہوٹل میں دی گئی تقریب پذیرائی سے خطاب کرتے ہوئے کیا۔

 تقریب میں پی او اے کے سیکریٹری جنرل محمدخالد محمود،ڈپٹی سیکریٹری جنرل محمدجہانگیر،آرگنائزنگ کمیٹی کے ڈپٹی چیئرمین سیدوسیم ہاشمی، سیکریٹری احمد علی راجپوت، تہمینہ آصف، وینا مسعود، نرگس رحیم تولہ،پرویزاحمد، آصف عظیم، کرنل ناصر تنگ،امتیازاحمد اور اصغر بلوچ بھی شریک تھے ۔

پی او اے کے صدر سید عارف حسن نے کہا کہ جہانگیر خان، حسن سرادر،انعام بٹ، ارشدندیم،طلحہ طالب،حیدر علی سمیت دیگرنامور کھلاڑیوں کی شرکت سے شہریوں کو اپنے ہیروز سے ملنے کا موقع ملا جو نئے کھلاڑیوں کاحوصلہ بڑھانے میں مددگار ثابت ہو گا ۔