ٹرین میں سوار ہونے والے مسافر ایک خاتون کو بالوں کے سہارے ہینڈریل پر جھولتے دیکھ کر حیران رہ گئے۔

ویڈیو میں دارینا نامی روسی ایکروبیٹ کو سر کے بالوں سے بندھا ہوا دیکھا جا سکتا ہے۔ جو مزے سے ٹانگیں اوپر کئے اپنے فون میں مشغول ہیں۔

دارینا جو مبینہ طور پر شنگھائی سرکس کا حصہ ہیں، نے بتایا کہ وہ وقفے کے دوران اپنے ایکٹ کی مشق کر رہی تھیں۔

اس دوران انہیں شنگھائی میٹرو کے مینیجر کا فون بھی آیا جس نے ان سے پوچھا کہ وہ کیا کر رہی ہیں اور اپنے بالوں سے کیوں لٹک رہی ہیں۔

دارینا کا اس حوالے سے کہنا ہے کہ ‘میں نصف سال سے اس ایکٹ کی مشق کر رہی ہوں۔ میں سب کو یاد دلانا چاہتی ہوں کہ یہ ایک خطرناک ایکٹ تھا اور اگر آپ غیر تربیت یافتہ ہیں تو اسے آزمایا نہیں جانا چاہیے۔’

لوگ اسٹنٹ سے حیران رہ گئے، جبکہ کچھ اس فکر میں مبتلا دکھائی دیئے کہ کہیں خاتون خود کو یا کھوپڑی کو نقصان نہ پہنچا بیٹھیں۔

دارینا نے آدھے سال سے زیادہ اس اسٹنٹ کی مشق کرنے کے بعد،TikTok  کے چینی ورژن Douyin پر کلپ شیئر کیا۔

https://87a505d36e.nxcli.net/urdu/wp-content/uploads/2022/01/636x382_MP4_8025464018006028648.mp4?_=2

انہوں نے حال ہی میں اپنے فیڈ پر اسی طرح کے متعدد کلپس شیئر کیے ہیں، تاہم اس فوٹیج کو اتنی توجہ حاصل کرنے کی توقع انہیں نہیں تھی۔

دارینا 2013 سے سرکس کا حصہ ہیں اور لوگوں کو اپنا شو دیکھنے کے لیے مدعو کرتی ہیں۔

بالوں سے لٹکنا ایک فضائی سرکس ایکٹ ہے جہاں پرفارمرز کو ان کے بالوں سے ہوا میں معلق کر دیا جاتا ہے۔

کچھ لوگوں کا خیال ہے کہ اس عمل کی ابتدا جنوبی امریکہ میں ہوئی جبکہ دوسروں کا خیال ہے کہ اس کی شروعات چین سے ہوئی ہے۔

پرفارمرز بالوں سے لٹکتے ہوئے ایکروبیٹک پوز کا مظاہرہ کرتے ہیں جب کہ اس شخص کے وزن کا بوجھ پوری کھوپڑی میں یکساں طور پر تقسیم ہوتا ہے۔

خیال رہے کہ ہر بال 3.5 اونس (100 گرام) تک کا وزن اٹھانے کے قابل ہوتا ہے۔

اس ایکٹ کے دوران حادثات یا چوٹوں سے بچنے کے لیے مناسب طریقے سے بالوں کو ترتیب دینا ضروری ہے۔

پرفارمرز اکثر اپنے بالوں کو دن میں پانچ بار کنڈیشن کرتے ہیں اور ان کی حفاظت اور مضبوط رکھنے کے لیے بالوں کے وٹامنز کا استعمال کرتے ہیں۔

یہ عمل گردن اور کندھے کے درد کے ساتھ ساتھ سر میں درد کا سبب بھی بن سکتا ہے اور اکثر جب مرفارمرز ٹور پر ہوتے ہیں تو انہیں اپنی کھوپڑی کے اوپری حصے میں سخت جگہ نظر آتی ہے۔