شہزاد سعید چیمہ نے کہا ہے کہ پیپلزپارٹی نے ہمیشہ کسانوں کے حقوق کی بات کی ہے۔

پاکستان پیپلز پارٹی کے چیئرمین بلاول بھٹو زرداری کی ہدایت پر شہزاد سعید چیمہ کی جانب سے چیچہ وطنی میں کسانوں کے لئے یوریا کھاد کنٹرولڈ ریٹ پر فراہم کی گئی جس پرکسانوں نے پیپلزپارٹی کی قیادت کا شکریہ ادا کیا۔

اس موقع پر سیکرٹری اطلاعات پاکستان پیپلز پارٹی وسطیٰ پنجاب شہزاد سعید چیمہ نے اپنے ایک بیان میں کہا کہ شہید بھٹو، شہید بی بی اور چیئرمین بلاول بھٹو زرداری کے فلسفے کے مطابق عوام کے درمیان کھڑے ہیں۔

انہوں نے کہا کہ کاشتکار پورے ملک کو غذائی قلت سے بجاتا ہے٬ خدا نا کرے اس نالائق حکومت کی وجہ سے ملک میں غذائی قلت ہو جائے۔ شہزاد سعید چیمہ

شہزاد سعید چیمہ کا کہنا تھا کہ پیپلزپارٹی نے ہمیشہ کسانوں کے حقوق کی بات کی ہے، پیپلزپارٹی کا نعرہ ہے کہ “کسان خوشحال تو پاکستان خوشحال” ۔

سیکرٹری اطلاعات پاکستان پیپلز پارٹی وسطیٰ پنجاب شہزاد سعید چیمہ کا مزید کہنا تھا کہ ہم 21 جنوری کو اوکاڑہ سے کسان مارچ شروع کر رہے ہیں، میری تمام کسانوں سے درخواست ہے کہ پیپلزپارٹی آپ کے حقوق کی جنگ لڑ رہی ہے آئیں ہمارا ساتھ دیں۔