ایم کیو ایم پاکستان کے ترجمان کا دعویٰ ہے کہ بلدیاتی قانون کے خلاف احتجاج کے دوران پولیس تشدد سے زخمی رہنما دم توڑ گئے۔

متحدہ قومی موومنٹ پاکستان کے ترجمان نے کہا ہے کہ متنازع بلدیاتی قانون کے خلاف احتجاج کے دوران پولیس کی لاٹھی چارج سے زخمی ہونے والے نارتھ کراچی یوسی 5 کے جوائنٹ آرگنائزر اسلم مظاہرے میں زخمی ہوئے تھے۔

ترجمان ایم کیو ایم پاکستان نے کہا کہ پولیس کی لاٹھی چارج اور شیلنگ سے زخمی ہونے والے جوائنٹ آرگنائزر اسلم کو زخمی حالت میں جناح اسپتال منتقل کیا گیا تھا جہاں وہ زخموں کی تاب نہ لاتے ہوئے دم توڑ گئے۔

اس حوالے سے ایم کیو ایم پاکستان کے سینیٹر فیصل سبزواری نے بھی ٹوئٹ کی۔

یہ بھی پڑھیں؛ متنازع بلدیاتی قانون کیخلاف ایم کیو ایم کی ریلی پر پولیس کا لاٹھی چارج

Very sorry to hear about this loss. May Allah Taa’ala bless his soul. However i have checked with JPMC, neither any person named Aslam Bhai was brought to JPMC nor any such death has been reported at JPMC. MQM MPA Sadaqat & Tariq were brought to JPMC & discharged after treatment https://www.bolnews.com/urdu/latest/2022/01/729719/amp/

— Murtaza Wahab Siddiqui (@murtazawahab1) January 26, 2022

دوسری جانب ترجمان سندھ حکومت مرتضی وہاب نے ٹویٹ کرتے ہوئے کہا کہ جناح اسپتال میں اسلم بھائی نامی کسی شخص کو نہیں لایا گیا تھا اور نہ ہی جناح اسپتال میں  اسلم بھائی نامی شخص کی موت کی اطلاع ملی ہے۔

مرتضی وہاب کا مزید کہنا تھا کہ ایم کیو ایم کے رکن سندھ اسمبلی صداقت حسین اور طارق کو جناح اسپتال لایا گیا تھا  ، دونوں کو طبی امداد کے بعد جناح اسپتال سے فارغ بھی کردیا گیا۔

یہ بھی پڑھیں؛ کراچی کے بعض علاقوں میں نامعلوم افراد کی جانب سے دکانیں بند کرانے کی کوشش

واضح رہے  بلدیاتی قانون کے خلاف احتجاج کے دوران وزیراعلیٰ ہاؤس جانے کی کوشش پر پولیس نے مظاہرین کو روکنے کے لیے لاٹھی چارج اور شیلنگ کی جس کے نتیجے میں ایم کیو ایم پاکستان کے رکن صوبائی اسمبلی صداقت حسین زخمی ہوگئے اور سر پر ڈنڈا لگنے سے ان کا سر بھی پھٹ گیا ، جنہیں بعد میں پولیس نے زخمی حالت میں حراست میں لے لیا تھا۔