راجہ پرویز اشرف نے کہا ہے کہ پیپلز پارٹی راستہ روکتی نہیں راستہ بناتی ہے۔

پاکستان پیپلز پارٹی (پی پی پی) کے رہنماء راجہ پرویز اشرف نے میڈیا سے گفتگو کرتے ہوئے کہا کہ پیپلز پارٹی میں شامل ہونیوالوں کو دل سے خوش آمدید کہتا ہوں، اپنی اور چیئرمین بلاول بھٹو زرداری کی طرف سے دل سے مبارکباد پیش کرتا ہوں ۔

انہں نے کہا کہ ریڑھی والے اور کارخانہ دار کا ووٹ ایک ہے۔ صرف پیپلز پارٹی ہی کارکنوں کو عزت دیتی ہے جبکہ بھٹونے عام آدمی کو ووٹ کا حق دیا۔

پاکستان پیپلز پارٹی (پی پی پی) کے رہنماء کا کہنا تھا کہ پیپلز پارٹی محبتیں اور عزت بانٹتی ہے، پیپلز پارٹی راستہ روکتی نہیں راستہ بناتی ہے۔

راجہ پرویز اشرف نے کہا کہ اقلیتوں،خواتین اور محنت کشوں کو پیپلز پارٹی خصوصی عزت دیتی ہے، چیئرمین 6جنوری کو بلاول ہاؤس میں نیت کارکنوں کو ظہرانہ دینگے۔

ان کا کہنا تھا کہ نئے شامل ہونیوالوں کو ساتھ لیکر چلیں گے، اللہ تعالی نے آپ سے جو فیصلہ کروایا،یہ ترقی کا فیصلہ بنے گا اور آپ دیکھیں گے لوگ جوق در جوق پیپلز پارٹی میں آئینگے

انہوں نے کہا کہ مہنگائی بیروزگاری نے عوام کو مار کے رکھ دیا ہے، پیپلز پارٹی عوامی جماعت ہے یہاں پروٹوکول والا چکر نہیں۔

راجہ پرویز اشرف نے کہا کہ پیپلز پارٹی ایک گھرانہ ہے آپ کی خوشی ہماری خوشی اور دکھ ہمارا دکھ ہو گا۔

پاکستان پیپلز پارٹی (پی پی پی) کے رہنماء راجہ پرویز اشرف کا مزید کہنا تھا کہ پورے پنجاب میں تنظیم سازی کرنے جا رہے ہیں ، پارٹی تنظیموں میں شامل ہوں.خوش آمدید کہیں گے۔