میگا ایونٹ کے آغاز سے قبل ہی کورونا نے رنگ میں بھنگ ڈال دیا ہے۔

تفصیلات کے مطابق پشاور زلمی کے جارح مزاج بلے باز کامران اکمل کورونا کے ہتھے چڑھ گئے۔ اوپنر کا کورونا ٹیسٹ مثبت آیا ہے۔

ریزرو پول سے عماد بٹ اور امام الحق کی زلمی اسکواڈ میں شمولیت کا قوی امکان ہے۔

مثبت پلیئرز کی مکمل صحتیابی تک ریزرو پول کے پلیئرز پشاور زلمی کو دستیاب ہوں گے مصدق احمد اور آغا سلمان رزیرو پول کیلئے دستیاب نہیں ، پی سی بی نے ان دونوں کی جگہ عمیر بن یوسف اور امام الحق کو ریزرو پول کے پندرہ پلیئرز میں شامل کرلیا ہے۔

پی سی بی نے ارشد اقبال اور کامران اکمل کا کورونا ٹیسٹ بالترتیب 21 جنوری اور 22 جنوری کو ہوا کیا تھا۔

یاد رہے کامران اکمل عمان کرکٹ لیگ میں ایشیا لائنز کی نمائندگی کررہے تھے۔ کرکٹ حلقوں کے مطابق میگا ایونٹ کا انعقاد کوویڈ کی صورتحال کے باعث مشکل تر ہوتا جارہا ہے۔ تاہم پی ایس ایل انتظامیہ پر امید ہے کہ میگا ایونٹ کامیابی سے اپنے اختتام کو پہنچے گا۔