پاکستانی ڈرامہ انڈسٹری کی بولڈ اداکاراوں میں سے ایک عائشہ عمر کا کہنا ہے کہ وہ ایک آمدنی سے تین گھر چلا رہی ہیں۔

سوشل میڈیا پر ان کا ایک انٹرویو کافی وائرل ہو رہا ہے، جس میں وہ اپنی آمدنی سے تین گھروں کے اخراجات پورے کرنے کے حوالے سے گفتگو کر رہی ہیں۔

انسٹاگرام اکاونٹ لولی وُڈ  lollywood.zz کی جانب سے اپلوڈ کئے گئے کلپ میں عائشہ عمر کہہ رہی ہیں کہ وہ تین گھر چلارہی ہیں جن میں سے ایک ان کا اپنا اپارٹمنٹ ہے جو کراچی میں ہے۔

عائشہ کا کہنا تھا کہ میرا کراچی والا اپارٹمنٹ کرائے پر ہے کیوں کہ میری خریدنے کی استطاعت نہیں ہے۔

دوسرا گھر لاہور میں ہے جہاں ان کی امی رہتی ہیں، عائشہ کا کہنا تھا کہ لاہور کا گھر چھوٹا سا ہے لیکن ہمارا اپنا گھر ہے جو ان کی امی نے بنایا، اس کا خرچہ  بھی میں اٹھاتی ہوں۔

اداکارہ نے اپنے بھائی کے حوالے سے بات کرتے ہوئے بتایا کہ میرا بھائی اب ڈنمارک میں ہے جس کی آخری ٹیوشن فیس بھی اب جا چکی ہے۔

عائشہ عمر نے انٹرویو میں اپنی بچپن کی زندگی کے حوالے سے بات کرتے ہوئے بتایا کہ جب وہ دو سال کی تھیں تو ان کے والد کا انتقال ہوگیا تھا اور پھر ان کی والدہ نے ان کی پرورش کی۔

انہوں نے بتایا کہ اس وقت ان کے معاشی حالات بہت خراب تھے۔