قومی ٹیم کے سابق باؤلنگ کوچ وقار یونس کا کہنا ہے کہ محمد حسنین کے ایکشن میں کوئی مسئلہ نہیں ہے۔

ٹوئٹر پر پوسٹ کرتے ہوئے قومی ٹیم کے سابق باؤلنگ کوچ نے کہا کہ میرے خیال ميں ایکشن کے حوالے سے اے لیول 4کوچ سے رابطہ کرنا چاہئیے کیونکہ وہ حسنین کا ایکشن بہتر کرنے میں مدد کرسکتا ہے۔

سابق پیسر کا کہنا تھا کہ اپنی کوچنگ  کی مدت کے دورانیہ میں حسنین کے بالنگ ایکشن میں کوئی مسئلہ نہیں دیکھا۔

آسٹریلیا میں جاری بگ بیش لیگ میں بالنگ ایکشن مشکوک ہونے پر محمد حسنین کا بائیو مکینک لیب میں ٹیسٹ مکمل ہوگیا ہے۔

 تین گھنٹوں پر مشتمل بائیو مکینک ٹیسٹ لمز یونیورسٹی میں قائم لیب میں ہوا۔ جس کی رپورٹ 14 دن میں موصول ہوگی۔

یاد رہے کہ دو روز قبل بی بی ایل لیگ میں میچ کے دوران میچ آفیشلز نے پیسر کا بولنگ ایکشن مشکوک قرار دیا تھا۔

21 سالہ پیسر اپنے کرکٹ کیریئر میں پہلی مرتبہ بگ بیش لیگ کھیل رہے تھے، انھوں نے بی بی ایل کے رواں سیزن میں 5 میچز کھیل کے 6 کی ایوریج سے 7 وکٹیں حاصل کی تھیں۔

ان کی کارکردگی کو کرکٹ حلقوں نے سراہتے ہوئے ان کے بہتر مستقبل کی پیشین گوئی کی ہے۔