امریکا میں غیرمعمولی جینیاتی سے متاثرہ 15 سالہ معروف یوٹیوبر اڈیلیا روس انتقال کرگئیں۔

بی بی سی کی رپورٹ کے مطابق امریکی یوٹیوبر بینجمن بٹن نامی ایک بیماری میں مبتلا تھیں جس کی تشخیص ان کی پیدائش کے 3 ماہ بعد ہوگئی تھی۔

ٹیکساس سے تعلق رکھنے والی اڈیلیا روس کے تقریباً 30 لاکھ یوٹیوب سبسکرائبرز تھے اور انہوں نے مختلف ٹیوٹوریلز میں مرض کےساتھ زندگی گزارنے سے متعلق آگاہی دی۔

ایک انسٹاگرام پوسٹ میں اڈیلیا کے اہلخانہ نے کہا کہ آنجہانی ایڈیلیا نے لاکھوں لوگوں کو متاثر کیا اور سب پر اچھا تاثر چھوڑا۔

Advertisement

Rest in peace to the social media star, Adalia Rose. Her social media stardom brought the rare genetic disease, Progeria, into the limelight. My prayers are going out to your family. pic.twitter.com/HWwP0bl4fr

— Shota’s Sugar Cookie (@APseudonymous_) January 13, 2022

اہلخانہ نے کہا کہ وہ خاموشی سے دنیا میں آئی اور خاموشی سے چلی گئی لیکن اس کی زندگی اس سے بہت دور تھی۔

انہوں نے کہا کہ وہ اب تکلیف میں نہیں ہے اور میری خواہش ہے کہ یہ ہماری حقیقت نہ ہوتی لیکن بدقسمتی سے ایسا ہی ہے۔

اڈیلیا روس کے اہلخانہ نے کہا کہ ہم آپ سب کا شکریہ ادا کرنا چاہتے ہیں جنہوں نے اڈیلیا کو پیار دیا اور اس کی حمایت کی، اس کے تمام ڈاکٹروں اور نرسوں کا شکریہ جنہوں نے اسے صحت مند رکھنے کے لئے کئی برس کام کیا۔

واضح رہے کہ بیجنمن بنٹن ایک نایاب مہلک مرض ہے جس کی وجہ سے نشوونما اور بعض جینیاتی مسائل پیدا ہوتے ہیں جس سے عمر کمری کا گمان ہوتا ہے۔

دنیا بھر میں تقریباً 500 بچے اس مرض سے متاثر ہیں، اس حالت میں مبتلا افراد کی اوسط عمر 13 سال ہوتی ہے۔