لاہور میں نشتر کالونی اسٹاپ پر خواجہ سرا کو چھریوں کے وار کر کے قتل کردیا گیا۔

تفصیلات کے مطابق پولیس کا کہنا ہے کہ خواجہ سرا کو قتل کرنے والے 2 ملزمان کو گرفتار کرلیا گیا جبکہ ملزمان سے  آلہ قتل بھی برآمد کرلیا گیا۔

پولیس کا کہنا ہے کہ ملزمان نے شی میل راشد عرف ثناء کو چھریوں کے وار کر کے قتل کردیا تھا، پولیس نے موقع پر پہنچ کر ملزمان کو گرفتار کیا، ملزمان امان اللہ عرف نرگس اور بلال کو گرفتارکر کے تھانہ نشتر کالونی کے حوالے کردیا گیا۔

ذرائع کے مطابق پولیس نے لاش کو مردہ خانے منتقل کردیا ہے۔

واضح رہے کہ ابتدائی تفتیش کے مطابق پیسوں کے لین دین پر تنازعہ ہوا تھا۔