چنیوٹ کے ضلع بھر میں کھاد کا بحران شدت اختیار کر گیا ہے۔

تفصیلات کے مطابق چنیوٹ میں کھاد کی عدم دستیابی پر کسانوں کا غلہ منڈی چوک میں شدید احتجاج جاری ہے۔

کسانوں نے چنیوٹ فیصل روڈ کو ٹریفک کے لیے بلاک کر دیا ہے جس کے باعث گاڑیوں کی لمبی قطاریں لگ گئی ہیں۔

کسانوں نے نعرے لگائے ہیں کہ “نیا پاکستان کھاد کا بحران”۔ کھاد نہ ملنے کی وجہ سے گندم کی فصل شدید متاثر ہونے کا خدشہ ہے۔

خیال رہے کہ فصل خراب ہونے پر کسانوں نے فیصل آباد روڈ پر واقع مقامی شوگر مل کے خلاف سراپا احتجاج کیا ہے۔

واضح رہے کہ مقامی شوگر مل کی کیمیکل فیکٹری کا زہریلا پانی فصلوں میں داخل ہوگیا ہے جس کے باعث تھانہ رجوعہ کے علاقہ کھائی ہیر کے کسانوں کی فصلیں تباہ ہورہی ہیں۔

کسانوں کی کئی ایکڑ پر کھڑی لاکھوں روپے کی فصل خراب ہو گئی ہے۔

متعلقہ خبر: کسانوں کو کھاد نہیں اب بھنگ ملے گی، عظمیٰ بخاری

متاثرین کا کہنا ہے کہ کیمیکل فیکٹری کے پانی والی سیم ٹوٹنے سے پانی فصلوں میں داخل ہوا۔

متاثرین نے وزیر اعلیٰ پنجاب اور ڈی سی چنیوٹ سے مطالبہ کیا ہے کہ غریب لوگ ہیں داد رسی کی جائے۔