کالعدم دہشتگرد تنظیم القاعدہ کے بانی اُسامہ بن لادن اور ایران کی القدس فورس کے مرحوم کمانڈر جنرل قاسم سلیمانی کے درمیان خفیہ ملاقات کا انکشاف ہوا ہے۔

العربیہ نیوز چینل پر نشر ہونے والی دستاویزی فلم “ایران میں القاعدہ کے چہرے” انکشاف کیا گیا کہ اُسامہ اور جنرل قاسم کی سوڈان میں ہونے والی خفیہ ملاقات میں القاعدہ کے عناصر کو لبنانی حزب اللہ کے زیرِ نگرانی دھماکہ خیز مواد تیار کرنے کی تربیت دینے پر زور دیا گیا۔

رپورٹ میں بتایا گیا کہ القاعدہ کے کمانڈر سیف العدل، حزب اللہ کے ماہرین کی نگرانی میں دھماکہ خیز آلات تیار کرنے کی ٹریننگ کے امیدواروں میں سب سے اوپر تھے۔

جمعہ کو نشر ہونے والی ڈاکیومنٹری میں بتایا گیا کہ امریکا کے خلاف ایران کی بالواسطہ جنگ سے متعلق ایک کتاب انکشاف کیا گیا ہے کہ مذکورہ خفیہ ملاقات کے بعد القاعدہ تنظیم اور ایران کے درمیان تعلقات استوار ہونے کا آغاز کیسے ہوا۔

Advertisement

تفاصيل اجتماع سري في #السودان بين #أسامة_بن_لادن و #قاسم_سليماني ناقش تنحية الخلافات المذهبية.. وتدريب عناصر القاعدة على صناعة المتفجرات تحت إشراف #حزب_الله#وجوه_القاعدة_في_إيران#العربيةhttps://www.bolnews.com/urdu/latest/2022/01/808704/amp/ pic.twitter.com/nANlWPzrAq

— العربية (@AlArabiya) January 28, 2022

رپورٹ میں مزید بتایا گیا کہ اس وقت قاسم سلیمانی القدس فورس کے کمانڈر نہیں تھے، لیکن بہت جلد انہوں نے اس کی قیادت سنبھالی۔

امریکی خفیہ اداروں کی تازہ ترین سالانہ رپورٹ میں واضح کیا گیا ہے کہ القاعدہ اب بھی دہشت گرد سرگرمیوں کے حوالے سے دنیا کی خطرناک ترین جماعتوں میں شامل ہے۔

رپورٹ میں تہران پر الزام عائد کیا گیا کہ وہ القاعدہ اور داعش کے رہنماؤں کو اپنی سرزمین پر پناہ دے رہا ہے۔

رپورٹ میں یہ بھی انکشاف کیا گیا کہ القاعدہ نے بیرون ملک بالخصوص مشرق وسطیٰ اور افریقہ میں اپنے قدم جما لیے ہیں۔

رپورٹ کے مطابق 2020ء میں دنیا کے 9 ممالک نے لبنانی حزب اللہ کو دہشت گرد تنظیم قرار دینے یا اس پر پابندی عائد کرنے کے حوالے سے اہم اقدامات کیے ہیں۔

رپورٹ میں دعویٰ کیا گیا کہ حزب اللہ اب بھی ایران کی خطرناک ترین شراکت دار اور لبنان میں سب سے طاقت ور دہشت گرد تنظیم ہے۔

“حزب اللہ کے سالانہ بجٹ کا بڑا حصہ ایران کی جانب سے اس ملیشیا کو دی جانے والی مالی سپورٹ سے پورا ہوتا ہے۔”