بھارت میں ایک ایئرہوسٹس دلہن خود اپنے دولہا کو لینے پہنچ گئی۔

چند روز قبل سوشل میڈیا نے دلہن کی درجنوں وائرل ویڈیوز دیکھیں جن میں دلہن کی جانب سے مقبول ترین ڈرامے ارطغرل غازی کے انداز میں انٹری ہو یا پھر دلہن کی اپنی ہی شادی میں فائرنگ کرتے ہوئے انٹری سمیت دلہن کی خود موٹرسائیکل چلاکر اپنے دولہے کو شادی ہال پہچانا ، تمام ویڈیوز میں دلہن کا کردار نمایاں نظر آیا۔

آج بھی ایسی ہی ایک اور ویڈیو سوشل میڈیا کی زینت بنی ہے جس میں دولہا کے بجائے دلہن تمام پرانی روایات کو بدلتے ہوئے خود گھوڑی پر چڑھ کر خود دلہے کے پاس پہنچ رہی ہیں۔

سوشل میڈیا پر وائرل ہونے والی یہ ویڈیو بھارتی ریاست بہار کی ہے اور گھوڑی پر سوار دلہن بھارتی ایئرلائن میں ایئرہوسٹس ہے جو دلہے کے گھر پہنچتی ہیں اور بعد ازاں دونوں وہاں سے گاڑی کے ذریعے ہال پہنچتے ہیں۔

Advertisement

#WATCH बिहार: गया में एक दुल्हन ने घोड़ी पर चढ़कर अपनी बारात निकाली। (13.12) pic.twitter.com/7MmW7klciq

— ANI_HindiNews (@AHindinews) December 14, 2021

ویڈیو میں دیکھا جاسکتا ہے کہ ایئرہوسٹس نے سفید رنگ کا لہنگا زیب تن کیا ہوا ہے اور گھوڑی کو آگے سے دو لوگوں نے پکڑا ہوا ہے جب کہ دلہن کے دوست اور فمیلی ممبران دلہن کے ساتھ ساتھ چلتے ہوئے آرہے ہیں۔

ویڈیو میں دیکھا اورسنا جاسکتا ہے کہ گھوڑی کے آگے آگے بینڈ باجے والے بھی موجود ہیں جو مختلف دھنیں بجارہے ہیں اور اس دوران نہ صرف دلہن کے دوست بلکہ خود دلہن بھی گھوڑی پر موجود ڈانس کرتی ہوئی دکھائی دے رہی ہیں۔

ایک مقام پر گھوڑی کو روک کر دلہن کے گھر والے بھرپور ڈانس کرتے ہوئے بھی دکھائی دیے۔