خیر پور ٹامیوالی کے قریب ٹریفک حادثہ پیش آیا ہے جس کے نتیجے میں متعدد افراد زخمی ہوگئے ہیں۔

تفصیلات کے مطابق بس میں سوار غلام شبیر اے ایس آئی جاں بحق ہوگئے، حادثہ بسوں کے آپس میں ٹکرانے سے پیش آیا، پولیس کی بھاری نفری اور ریسکیو ادارے موقع پر موجود ہیں۔

ذرائع کا کہنا ہے کہ زخمیوں کو نکالنے اور طبی امداد کا کام جاری ہے، ڈی ایس پی خیر پور، ایس ایچ او خیرپور پولیس نفری کے ہمراہ موجود ہیں۔

ڈی پی او محمد فیصل کامران نے بتایا کہ زخمیوں کو فوری طبی امداد کیلئے ہسپتال منتقل کیا جا رہا ہے۔

ترجمان پولیس کے مطابق ڈی پی او کی ہدایت پر مزید نفری جائے حادثہ کیلئے روانہ ہوگئی ہے۔