افریقن کپ آف نیشن فٹ بال ٹورنامنٹ میں گھانا کی ٹیم اپ سیٹ شکست کے بعد ٹورنامنٹ سے باہر ہو گئی ہے۔

افریقن کپ آف نیشن میں پہلی مرتبہ حصہ لینے والی کوموروس کی ٹیم نے گھانا کی مظبوط ٹیم کو 2 کے مقابلے میں تین گول سے شکست دے کر سب کو حیران کر دیا۔

چار مرتبہ افریقن کپ آف نیشن کی فاتح گھانا کی ٹیم ایونٹ میں پہلی مرتبہ گروپ اسٹیج سے باہر ہوئی ہے۔

میچ کے آغاز میں ہی گھانا کو مشکل صورتحال کا سامنا کرنا پڑا جب ان کے اہم کھلاڑی آندرے کو ریفری نے ریڈ کارڈ دکھا کر میدان بدر کیا۔

کوموروس کے احمد مونگی نے اپنی ٹیم کے لئے دو گول اسکور کئے ، کوموروس کی پہلی دو برتری کو گھانا نے برابر کیا مگر احمد مونگی کے 85 منٹ میں گول کے خسارے کو میچ کے آخر تک ختم نہیں کیا جا سکا۔

گروپ سی میں یہ میچ سب سے زیادہ حیران کن تھا جس میں افریقن کپ آف نیشن کی تاریخ میں پہلی مرتبہ کسی ٹیم نے اپنے ابتدائی ایونٹ میں واحد کامیابی حاصل کی۔

کوموروس فٹ بال ٹیم کی عالمی رینکنگ میں 132 واں نمبر ہے ، ایونٹ میں کوموروس کے اگلے مرحلے میں جانے کی امیدیں بڑھ گئی ہیں۔

کوموروس کی ٹیم نے 2016 میں ورلڈ کپ کوالیفائر میچ کھیلا تھا، جبکہ افریقن کپ آف نیشن میں یہ کامیابی اس ٹیم کی واحد کامیابی ہے۔