ایپل نے کہا ہے کہ 2008 کے بعد سے اب تک ایپ اسٹور کی قیمت والی ایپس مجموعی طور پر 260 ارب ڈالر کی رقم کمائی گئی ہے۔ یہ تمام رقم ایپل کے ڈویلپرز کے حصے میں آئی جن کی اکثریت تھرڈ پارٹی سے تعلق رکھتی ہے۔

اس طرح صرف 2021 میں ہی ڈویلپرز اور پروگرامرز نے 60 ارب ڈالر سے زائد کی رقم بنائی ہے۔ ایپل نے اشارہ دیا ہے کہ کرسمس اور نئے سال کے موقع پر ایپس کی خریداری بڑھ جاتی ہے اور دو دوہرے عدد یعنی ڈبل ڈجٹ تک پہنچی ہے۔

دلچسپ بات یہ ہے کہ اعدادوشمار ایپ اسٹور کے ہوش ربا منافع کو تو ظاہر کرتے ہیں لیکن کئی حوالوں سے ڈویلپراس سےشدید ناخوش ہیں۔ ایک جانب تو ایپل کی پالیسیوں اور سختیوں پر نالاں ہیں تو دوسری جانب وہ منافع میں ایپل کے کمیشن سے بھی خوش ہیں جو 30 فیصد تک جاپہنچتا ہے۔

دوسری جانب ایپل اسٹور اس وقت بھی فورٹ نائٹ جیسی مشہور گیمنگ کمپنی سے قانونی لڑائی میں الجھا ہوا ہے۔ یہی وجہ ہے کہ ڈویلپر نے زور دیا ہے کہ ایپل اپنی پالیسیوں پر بھی نظرثانی کرے۔