بولی وُڈ اداکارہ روینہ ٹنڈن کو سابق پاکستانی وزیر اعظم نواز شریف کی پسندیدہ اداکارہ کہا جاتا تھا۔

شاید یہی وجہ تھی کہ کارگل جنگ کے دوران چند بھارتی سپاہیوں نے شرارتاً کچھ بموں پر روینہ ٹنڈن کا نام تحریر کیا اور انہیں بطور تحفہ نواز شریف کو بھیجنے کا کہا۔

ویسے تو ہر چند سال بعد ان بموں کی تصاویر سوشل میڈیا پر وائرل ہوتی رہتی ہیں۔ جن میں سبز رنگ کا ایک بڑا بم دکھایا جاتا ہے جس پر ’’روینہ ٹنڈن کی طرف سے نواز شریف کو‘‘ کے الفاظ درج ہیں۔ ساتھ ہی ایک دل اور اس میں پیوستہ تیر کی تصویر بھی بنی ہوئی ہے۔

اب برسوں بعد، روینہ نے اس واقعہ کے بارے میں بات کی ہے۔

ہندوستان ٹائمز کی انٹرٹینمنٹ اینڈ لائف اسٹائل مینیجنگ ایڈیٹر سونل کالرا کے ٹوئٹر اسپیس سیشن میں بات کرتے ہوئے روینہ نے اس واقعے کے بارے میں ایک نیا اور امن پسند رویہ اپنایا۔

روینہ نے کہا کہ میں نے اسے بہت بعد میں دیکھا۔ تاہم میں پوری دنیا کو مشورہ دوں گی کہ اگر محبت اور بات چیت سے کوئی نکل سکتا ہے تو ضرور کریں۔

انہوں نے کہا کہ خون کا رنگ لال خیال بھی ہے اور ادھار بھی (سرحد کے دونوں طرف لوگوں کا خون بہہ رہا ہے)۔ کسی بھی ماں کو اپنے بیٹے یا بیٹیاں کھونے پر فخر محسوس نہیں کرنا چاہیے۔

روینہ کا مزید کہنا تھا کہ اگر مجھے اپنے ملک کی حفاظت کے لیے وہاں (سرحد کی حفاظت) پر کھڑا ہونا پڑے تو میرے ہاتھ میں بندوق دو، میں وہاں کھڑی ہو جاؤں گی۔

روینہ نے اس سیشن میں سیاست میں آنے کے بارے میں اپنے خیالات، بولی وڈ میں بطور خاتون اداکار چیلنجز کا سامنا کرنے اور اپنے خاندان سے ملنے والی حمایت سمیت بہت کچھ کے بارے میں بھی بات کی۔

روینہ کو آخری بارنیٹ فلکس سیریز “آرانیک”  میں دیکھا گیا تھا۔ جس میں انہوں نے ایک سیریل کلر کی گرفتاری کے لیے چھوٹے افسانوی قصبے سروہنا میں ایس ایچ او کستوری ڈوگرا کا کردار ادا کیا۔

اس شو میں آشوتوش رانا نے ان کے سسر اور پرمبرتا چٹرجی نے ایک افسر کے طور پر کام کیا جو ان کے ساتھ کیس کی تفتیش کرتا ہے۔

روینہ کے آنے والے پروجیکٹس میں یش اور سنجے دت کے ساتھ KGF چیپٹر 2 شامل ہیں۔

کے جی ایف چیپٹر 2 میں سنجے ولن کا کردار ادا کر رہے ہیں جبکہ روینہ فلم میں وزیر اعظم کا کردار ادا کر رہی ہیں۔