برطانیہ کے ایک بینک نے غلطی نے اپنے 75 ہزار کھاتیداروں میں ایک کروڑ 30 لاکھ پاؤنڈ بانٹ دیئے.

برطانوی اخبار کی رپورٹ کے مطابق 25 دسمبر کو برطانوی بینک سینٹینڈر نے ملک بھر کے 75 ہزار اکاؤنٹس میں مجموعی طور پر ایک کروڑ 30 لاکھ برطانوی پاؤنڈز ڈال دیئے۔

یہ رقم پاکستانی کرنسی میں 3 ارب 13 کروڑ روپے سے زائد بنتی ہے۔

اس خبر کو بھی پڑھیں : ڈیزائن میں غلطی، 118روپے کا سکہ 60 ہزار میں فروخت

اخبار کی رپورٹ کے مطابق کرسمس اور سال نو کی چھٹیوں سے قبل 2 ہزار کمپنیوں نے اپنے ملازمین اور دیگر افراد کو بینکاری نظام کے تحت ادائیگیاں کیں لیکن بینک کی جانب سے یہ ادائیگیاں 2 مرتبہ ہوگئیں۔

بینک نے بھی باضابطہ طور پر اپنی اس بڑی غلطی کا اعتراف کرتے ہوئے عذر پیش کیا ہے کہ ایک تیکنیکی مسئلے کی وجہ سے 2000 کاروباری اکاؤنٹس سے دو مرتبہ ادائیگیاں کی گئیں۔ بینک کا عملہ رقم کی وصولی کی کوششیں کررہا ہے۔

رقم کی واپسی کے لیے بینک کے لیے سب سے بڑی مشکل یہ ہے کہ پیسوں کی زیادہ تر منتقلی دیگر بینکوں کے اکاؤنٹس میں کی گئی ہے۔

اس خبر کو بھی پڑھیں : لیبارٹری نے غلطی سے کورونا رزلٹ منفی کردہئے

بینکاری نظام سے وابستہ افراد کا کہنا ہے کہ منتقل کئے گئے پیسوں کی واپسی بہت مشکل ہے کیونکہ کئی لوگوں نے چھٹیوں میں یہ رقوم اپنی سمجھ کر خرچ بھی کر لی ہوں گی۔