ترجمان پاک بحریہ کا کہنا ہے کہ بحریہ یونیورسٹی لاہور کیمپس میں کانووکیشن تقریب کا انعقاد ہوا ہے۔

ترجمان پاک بحریہ کے مطابق چیف آف دی نیول اسٹاف ایڈمرل محمد امجد خان نیازی تقریب کے مہمان خصوصی تھے ، تقریب میں بحریہ یونیورسٹی سے فارغ التحصیل ہونے والے کل 632 طلباء کو ڈگریاں دی گئیں۔

نیول چیف نے طلباء اور ان کے والدین کو مبارکباد دی ، امیرالبحر نے طلباء کو اعلیٰ پیشہ ورانہ مہارت کے لیے بہترین تعلیمی ماحول کی فراہمی پر بحریہ یونیورسٹی کے کردار کو بھی سراہا۔

ترجمان پاک بحریہ کا کہنا ہے کہ تقریب میں مختلف شعبوں میں بہترین کارکردگی پر 23 طلباء کو گولڈ جبکہ 19 کو سلور میڈلز دیے گئے۔