شہر میں بارش سے سردی کی شدت میں اضافہ ہونے پر کمشنر لاہور نے ہدایات جاری کردی ہیں۔

کمشنر لاہور کیپٹن ر محمد عثمان نے کہا ہے کہ تمام اے سیز مکمل طور پر الرٹ رہیں اور اپنی تحصیلوں کا دورہ کریں، اے سیز اور متعلقہ سوشل ویلفئیر افسران پناہ گاہوں میں تمام سہولیات کی دستیابی کو خود یقینی بنائیں۔

ان کا کہنا تھا کہ ایم سی ایل زونل و واسا افسران نشیبی علاقوں کا خصوصی وزٹ کریں، نکاسی آب کیلئے واسا عملہ و مشینری فیلڈ میں موجود ہے، شہری کسی ہنگامی حالت کی فوری اطلاع کریں۔

کمشنر لاہور کیپٹن ر محمد عثمان نے مزید کہا کہ ٹریفک پولیس ٹریفک روانی کو قائم رکھے، سڑک بند کرنے کی صورت میں شہریوں کی رہنمائی کرے، تمام افسران محکمہ موسمیات کے ساتھ مکمل رابطہ رکھیں۔